Kókshetaýda bes qabatty turǵyn úıde gaz-aýa qospasynyń jarylýy kezinde zardap shekken adamnyń jaǵdaıy belgili boldy, dep habarlaıdy Egemen.kz.
Aqmola oblystyq kópbeıindi aýrýhanasy dırektorynyń orynbasary Dmıtrıı Chaıkovtyń aıtýynsha, aýrýhanaǵa jarylystan keıin kúıik shalǵan áıel túsken.
«Onyń jaǵdaıy ortasha aýyr. Denesiniń 20 paıyzyn, negizinen, aıaqtaryn kúıik shalǵan. Ol esin biledi, jaǵdaıy turaqty, jalpy palataǵa jatqyzyldy. Naýqas barlyq qajetti emdi tolyq kólemde alýda», dep túsindirdi dáriger.
Jarylystan zardap shekken ekinshi turǵyn aýrýhanaǵa jatqyzylǵan joq.
Eske sala ketsek, keshe Kókshetaý qalasynyń Kóktem shaǵyn aýdanyndaǵy bes qabatty turǵyn úıde gaz jaryldy. Jarylys saldarynan eki adam zardap shekti.