Bizdiń ekonomıkamyzdyń arqaýy bolyp kelgen jáne solaı bolyp qala beretin ken-metallýrgııa kesheni qazir aýyr jaǵdaıdy bastan keshýde. Sońǵy birneshe jyldar boıyna sala qolaısyz naryq jaǵdaıynda jumys isteýde. Baǵalar aıtarlyqtaı tómendedi. Máselen, alıýmınıı salasynda ol 15 paıyzǵa tómendese, ol úrdis áli de jalǵasýda.
Daǵdarys jaǵdaıyn bastan keshýshi tek biz ǵana emes. Biraq ótkizý rynogy úshin kúreste bizdiń jaqyn kórshilerimiz teńgeniń qymbattyǵynan artyqshylyqtarǵa ıe bolýda.
Biz barynsha qatań únemdeý sharalaryn qabyldaýǵa májbúr boldyq. О́zimizdiń ınvestısııalyq baǵdarlamamyzdy qaıta qaradyq.Tipti, eń bir aýyr másele bolyp tabylatyn personaldy qysqartý jaıy da kún tártibinde turdy.
Osyndaı jaǵdaıda biz dollarǵa qatysty teńgeniń shynaıy baǵamyn belgileý isin otandyq eksporttaýshylarǵa qoldaý kórsetýdegi yqpaldy shara retinde qabyldaımyz. Jańa aıyrbas baǵamy ónimniń básekege qabilettiligin arttyrýǵa, jumys oryndaryn saqtaýǵa, al bizdiń ınvestısııalyq baǵdarlamalarymyzdy qaıta qaraýymyzǵa, demek, jańa jumys oryndaryn ashýǵa, áleýmettik baǵdarlamalardy qarjylandyrýǵa, sonymen qatar, bıýdjetke tólenetin tólemder kólemin arttyrýǵa jaǵdaı jasaıtyn bolady.
Bul máseleniń taǵy bir aspektisi bar. Budan tek iri bıznes qana utysqa shyqpaıdy, osy ýaqyttarǵa deıin ishki rynoktarǵa taýar jetkizýde Keden odaǵy boıynsha kórshilerden utylyp kelgen otandyq bıznes ókilderi – shaǵyn jáne orta kásipkerlik salasy úshin de artyqshylyqtar paıda bolady.
Eger bizdiń qyzmetkerlerge keler bolsaq, olar kásiporyn ekonomıkasynyń turaqtylyǵyna, demek, sol arqyly turaqty jumys pen eńbekaqyǵa qol jetkizetin bolady.
Sondyqtan da biz Úkimettiń tutyný taýarlary baǵasynyń negizsiz ósip ketýine jol bermeý jóninen qabyldaǵan sharalaryn qoldaımyz jáne bul turǵyda barynsha qatań qadaǵalaý bolýy kerek dep esepteımiz.
Elena POPANDOPÝLO,
ENRC Qazaqstannyń
basqarýshy dırektory.