Ońtústik Koreıada vaksınasııa sertıfıkaty barlyq jerge «ruqsat qujaty» retinde qoldanylmaq. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy Egemen.kz.
Ońtústik Koreıa vaksınasııa sertıfıkatyn kez kelgen jaǵdaıǵa «ruqsat qujaty» etýge nıetti. COVID-19 tólqujaty – bul jappaı is-sharalarǵa, túrli qoǵamdyq oryndar men memlekettik mekemelerge esh shekteýsiz kirý quqyǵy. Osyndaı usynysty Úkimettiń pandemııadan keıingi kezeńge ótý jónindegi komıtetiniń otyrysynda Premer-Mınıstr Kım Bý Gıom bildirdi.
Sonymen qatar epıdemıologııalyq jaǵdaıdyń jaqsarýyna qaramastan, maskany mindetti túrde taǵýdyń kúshi joıylmaıtyny atap ótildi. Pandemııa bastalǵannan beri Ońtústik Koreıada koronavırýs ınfeksııasynyń 335 742 faktisi tirkeldi.
Amerıka Qurama Shtattarynyń eń iri Boeing avıakompanııasy qyzmetkerlerinen vaksına alǵandaryn rastaýdy talap etti. Kompanııa basshylyǵy amerıkalyq merdigerler úshin AQSh Prezıdenti Djozef Baıden shyǵarǵan buıryqty ustanatynyn túsindirdi. Qujatqa sáıkes, qyzmetkerleriniń jalpy sany 100-den asatyn kompanııalar óz qyzmetkerlerinen COVID-19-ǵa qarsy vaksınasııany talap etýi kerek.
Ushqyshtar, stıýardessalar jáne qyzmetkerler jumysty jalǵastyrý úshin 8 jeltoqsanǵa deıin vaksınasııa sertıfıkattaryn nemese medısınalyq anyqtama usynýy qajet.