Astanada fýtzaldan toǵyz otandyq komandanyń qatysýymen el kýbogynyń oıyndary jalǵasýda, dep habarlaıdy Egemen.kz.
Kezekti oıyn kúninen keıin kókshetaýlyq «Oqjetpes» qana pleı-off kezeńine shyǵý múmkindiginen aıyryldy. Qalǵan 8 ujym jartylaı fınalǵa joldama ala alady.
Qazirgi ýaqytta eki topta da jaǵdaı shıelenisken.
«Qaırat» «Aıatpen» teń túskennen keıin, 13 qazanda týrnırdiń aýtsaıderi «Oqjetpesti» 4:1 esebimen jeńdi. Ol «Rahmet» komandasymen birge 7 upaımen «A» tobynda ozyp tur. Olardan keıin «Atyraý» men «Aıat» komandalary, ekeýiniń qanjyǵasynda da 4 upaıdan bar.
Qyzyqtyń kókesi «V» tobynda, onda barlyq 4 komandanyń qanjyǵasynda úsh upaı bar. Jartylaı fınaldyń eki joldamasy úshin «Báıterek», «Kaspıı», «Nur-Sultan» jáne «Aqtóbe» komandalary talasady.