Qurlyqtyq hokkeı lıgasynda (QHL) kúsh synasyp júrgen Nur-Sultannyń «Barysy» kezekti týr oıynyn Ombynyń «Avangardyna» qarsy ótkizdi, dep jazady Egemen.kz.
Máskeý oblysy aýmaǵynda ornalasqan «Arena Balashıhada» ótken match bir mınýt únsizdikpen bastaldy. Osylaısha, hokkeıshiler osydan 13 jyl buryn dúnıeden ozǵan Alekseı Cherepanovqa taǵzym etti. Asa daryndy oıynshy 2008 jyldyń 13-qazanynda «Avangard» pen «Vıtıaz» klýbtary arasyndaǵy báseke barysynda kenetten júregi toqtap, qaıtys boldy. Ol nebary 19 jasta edi...
Al matchtyń ózine keletin bolsaq, alǵashqy shaıba oıyn bastalǵannan keıin 33 mınýttan keıin soǵyldy. Bul goldyń avtory – Korben Naıt. 40-mınýtta Alekseı Emelın mergendik tynytsa, 50-mınýtta Nıkıta Mıhaılıs esep aıyrmashylyǵyn qysqartty. Biraq odan árige qonaqtardyń áli jetpedi. 51 jáne 59-mınýtta «Avangardtyń» oıynshylary taǵy eki ret nysanany dál kózdedi. Esep – 4:1.
Qazirgi kezde «Barys» turaqty birinshiliktiń jarys kestesinde 14 upaımen 18-orynda keledi. О́ziniń kelesi kezdesýin jerlesterimiz 15-qazanda Mytıshıda Qytaıdyń «Kýnlýn Red Star» klýbyna qarsy ótkizedi.