BIRLESKEN ShEShIM QABYLDANDY

Keshe Qarjy mınıstrligi Kedendik baqylaý komıtetinde quqyq qorǵaý organdary úılestirý keńesiniń kóshpeli otyrysy bolyp ótti. Onda kontrabandaǵa qarsy kúrestiń tıimdiligin arttyrý máseleleri qaraldy. Búgingi tańda elimizdiń ekono­mıkalyq qaýipsizdigin qamtamasyz etý memleket tarapynan erekshe baqylaýǵa alynyp, barlyq zańdy talaptardyń oryndalýy úshin keshendi sharalar atqarylýda. Ásirese, Qazaqstan Reseı jáne Belarýs memleketterimen kedendik odaqqa múshe bolyp engendikten osy odaqtyń ońtústik-shyǵys shekarasyn qorǵaý bizdiń elimizge júktelip otyr. Sondyqtan da shekaradaǵy keden beketteriniń ınfraqurylymyn jaqsartý, sondaı-aq olardy joǵary tehnı­kalyq quraldarmen jabdyqtaý maqsatynda Úkimet tarapynan 16 mıllıard 210 mln. teńge bólindi. Demek, mundaı jaǵdaıda alǵa qoı­ylǵan mindettiń talapqa saı oryndalýy úshin quqyq qorǵaý organdary kontrabandanyń ótýine, qarý-jaraqtyń tasymaldanýyna, esirtki quraldarynyń zańsyz aı­nalymyna tosqaýyl qoıý maqsa­tynda birlesip áreket etýi tıis. Mine, osyǵan oraı Kedendik ba­qylaý komıtetinde bas qosqan qu­qyq qorǵaý organdarynyń birinshi basshylary áýeli shekaradaǵy baqylaý organdarynyń qyzmetin, júkterdiń ótýin jáne taýarlardy jetkizýdi retteý úshin qurylǵan Kedendik baqylaý komıtetiniń jedel basqarý ortalyǵynyń (JBO) jumysymen tanysty. Sondaı-aq, keden organdarynyń jeke qura­mynyń kedendik resimdeý jáne baqylaý, kontrabandaǵa qarsy kúres, postkedendik baqylaý, aýdıt jáne t.b. jelileri boıynsha bilik­tiligin arttyrý maqsatynda quryl­ǵan Dúnıejúzilik keden uıymynyń óńirlik oqý ortalyǵyn aralap kórdi. Qazirgi ýaqytta keden organ­dary mindetin talapqa saı atqaryp keledi. О́tken jyly memleket qazynasyna 5 mlrd. 255 mln. teńge quıyldy. Endi joǵaryda aıtylǵan­daı, Qazaqstannyń Reseı jáne Belarýs elderimen Kedendik odaqqa kirýi aıasynda ekonomıkalyq qaýip­sizdikti odan ári nyǵaıtý jáne túrli taýarlardy zańsyz tasymaldaýdyń jolyn kesý mańyzy aıryqsha arta tústi. Al quzyrly organdar men vedomstvolar memlekettik sheka­ralardy bekitý jáne kedendik baqy­laýdy kúsheıtý jumystaryn bir­kel­ki deńgeıde júrgizýde. Osy oraı­da úılestirý keńesiniń mú­sheleri ýákiletti jáne quqyq qorǵaý organdarynyń negizgi másele boıynsha ózara is-qımyl áreketine oń baǵa berdi. Sonymen qatar, kontrabandamen kúrestiń tıimdiligin odan ári arttyrý, shekarany ın­je­nerlik nyǵaıtý jáne ótkizý beket­terin tehnıkalyq jabdyqtaý boı­yn­sha jumystardyń belsendiligin kúsheıtý, júk tasymalyn júzege asyratyn uıymdarmen úılesimdi is-qımyl ornatýdyń mańyzdylyǵy atap kórsetildi. Májilis barysynda Bas Pro­kýror Qyrǵyzstanmen aradaǵy shekaradaǵy ınjenerlik bekitý qondyrǵylarynyń qurylysyn ústimizdegi jyldyń sońyna deıin aıaqtaý qajettigine nazar aýdaryp, júkterdi kedendik resimdeý bary­syn­da sybaılas jemqorlyq kór­i­nis­terin boldyrmaý úshin túbegeıli sharalar qabyldaýdy talap etti. Aleksandr TASBOLATOV.