Sharany Aqparat jáne qoǵamdyq damý mınıstrliginiń qoldaýymen «Otandastar qory» men «Jas qazaq» jastar uıymy birlesip uıymdastyryp otyr.
Is-sharaǵa shetelden kelgen qazaq qoǵamdyq uıymdarynyń jas basshylary, Túrkııa, Iran, Reseı, Mońǵolııa, О́zbekstan, Qytaı jáne Japonııada turatyn, sport jáne óner salasynda jetistikke jetken jýrnalıster, blogerler men otandastar qatysty.
Ekskýrsııa barysynda dóńgelek ústel uıymdastyryldy. Onda qatysýshylar «Qazaqstannyń kıeli geografııasy» kópfýnksıonaldy kartasymen, Qazaqstan tarıhymen, sondaı-aq qazaq tilin oqytý ádistemelerimen, Qazaqstandaǵy bilim berý granttarymen jáne shetelden kelgen jastarǵa arnalǵan basqa da múmkindiktermen tanysty.
Birinshi kúni qatysýshylar Raıymbek batyrdyń kesenesi men Almaty qalasynyń Respýblıka alańyna bardy. Ekinshi jáne úshinshi kúnderi qatysýshylar Esik qalasyndaǵy «Altyn Adam» murajaıyna, Sharyn memlekettik ulttyq tabıǵı parkine, Almaty oblysyndaǵy Qaıyńdy jáne Kólsaı kólderine bardy.
Aıta keteıik, mundaı ekskýrsııalar sheteldegi qazaq jastary úshin jyl saıyn ótkiziledi.