Ulttyq bank 2021 jyldyń qyrkúıek aıyndaǵy óńirlerdegi ınflıasııalyq úrdister boıynsha sholýdy jarııalady, dep habarlaıdy Egemen.kz.
2021 jylǵy qyrkúıekte ınflıasııa 0,4%-dy qurady (tamyzda - 0,5%). Azyq-túlik taýarlarynyń baǵasy bir aıda 0,1%-ǵa (tamyzda - 0,1%), azyq-túlik emes taýarlarǵa - 0,6%-ǵa (tamyzda - 0,6%), aqyly qyzmetterge - 0,7%-ǵa (tamyzda - 0,8%) ósti. Jyldyq mánde ınflıasııa 8,9%-dy qurady (tamyzda - 8,7%).
О́ńirler bólinisinde jyldyq ınflıasııa 13 óńirde jedeldedi, 3 óńirde baıaýlady, 1 óńirde baǵanyń ósý qarqyny ózgerissiz qaldy. Eń kóp baıaýlaý Pavlodar oblysynda tamyz aıynda 9,2%-dan qyrkúıekte 8,8%-ǵa deıin tirkeldi.
Eń kóp údeý Qyzylorda oblysynda baıqalady (8,2%-dan 8,8%-ǵa deıin). Jyldyq ınflıasııa 6 óńirde jalpy respýblıkalyq deńgeıden joǵary boldy, olardyń ishinde eń úlken mán Mańǵystaý oblysynda tirkeldi (9,8%).
Ulttyq Bank atap ótkendeı, baǵanyń jyldyq ósýine Qazaqstan boıynsha TBI-de eń úlken salmaqqa ıe Almaty jáne Almaty oblysy eń kóp úles qosýdy jalǵastyrýda. Atalǵan óńirlerde baǵanyń ósýi tıisinshe 8,7% jáne 8,5%-dy qurady.
Qazaqstanda azyq-túlik taýarlary jyldyq mánde 11,5%-ǵa (tamyzda - 11,4%-ǵa) qymbattady. Eń tómengi ósim Shyǵys Qazaqstan (10,5%) jáne Soltústik Qazaqstan (10,6%) oblystarynda, eń joǵary - Mańǵystaý oblysynda (13,1%) baıqaldy.El boıynsha azyq-túlik emes taýarlardyń baǵasy 7,5%-ǵa (tamyzda - 7,3%-ǵa) ósti. Azyq-túlik emes taýarlar baǵasynyń eń joǵary ósýi Atyraý jáne Aqtóbe oblystarynda (8,0%-dan), eń tómeni Pavlodar oblysynda (6,8%) tirkeldi.
Elimizde aqyly qyzmetter 6,8%-ǵa (tamyzda - 6,6%-ǵa) qymbattady, bul rette eń joǵary ósim Aqtóbe jáne Jambyl oblystarynda (8,0%-dan), eń tómen - Almaty jáne Qyzylorda oblystarynda (6,1%-dan) baıqaldy.
Qyrkúıek aıynda azyq-túlik taýarlarynyń aılyq TBI-ge qosqan úlesi azyq-túlik emes taýarlar men aqyly qyzmetterdiń úlesine qaraǵanda az boldy. Azyq-túlik taýarlarynyń ınflıasııasyna eń úlken úles et jáne et ónimderi baǵasynyń ósýi, bul rette kókónister men jemister 4,7%-ǵa arzandap, ( - ) 0,13 p. t. mólsherinde teris úles qosty.
Jalpy elimiz boıynsha azyq-túlik taýarlarynyń baǵasy tamyz aıyndaǵydaı bir aı ishinde 0,1%-ǵa ósti. Atalǵan toptyń taýarlaryna baǵanyń 0,6% mólsherinde maksımaldy ósýi Atyraý oblysynda, Almaty jáne Shymkent qalalarynda qalyptasty, baǵanyń 0,1%-dan 0,6%-ǵa deıin tómendeýi Almaty, Shyǵys Qazaqstan, Soltústik Qazaqstan, Aqtóbe, Qostanaı jáne Pavlodar oblystarynda baıqaldy.
Elimizde et jáne et ónimderi baǵasynyń ósý qarqyny ózgerissiz qaldy (1,3%), bul rette qus eti baǵasynyń ósý qarqynynyń baıaýlaýy baıqaldy (3,7%-dan 2,3%-ǵa deıin).
Almatyda et jáne et ónimderi baǵasynyń eń joǵary ósýi (3,2%-ǵa) baıqaldy, onda sıyr eti (5,3%-ǵa) jáne jylqy eti (4,0%-ǵa) qymbattady, olardyń baǵasy tutastaı el boıynsha tıisinshe 1,6%-ǵa jáne 1,4%-ǵa ósti. Atyraý oblysynda jylqy eti baǵasynyń ósýi (3,5%-ǵa) jáne óńirler arasynda qus eti baǵasynyń eń joǵary ósýi (4,5%-ǵa) tirkeldi.
Shymkentte sút ónimderi (2,3%-ǵa, el boıynsha 0,9%-ǵa ósý kezinde), atap aıtqanda pasterlengen sút (3,0%) jáne qaımaq (2,5%) qymbattady, al osy taýarlardyń baǵasy el boıynsha tıisinshe 1,1%-ǵa jáne 1,2%-ǵa ósti.