QR Bilim jáne ǵylym mınıstri Ashat Aımaǵambetov bilim oshaqtaryndaǵy epıdemıologııalyq jaǵdaı týraly aıtty, dep habarlaıdy Egemen.kz.
«Bıyl oqý jyly dástúrli formatta bastaldy. Odan 1,5 aı ýaqyt ótti. Kórip otyrǵandaryńyzdaı, elimizde indettiń taralýy báseńsip keledi. Balalardyń koronavırýsqa shaldyǵýyn shilde-tamyz aılarymen salystyrsaq, qazir jaǵdaı jaqsarǵan, ıaǵnı vırýstyń taraýy aıtarlyqtaı tómendegen. Elimiz boıynsha balalar arasynda koronavırýstyń taralýy 0,1 paıyzdan aspaı tur», dedi A.Aımaǵambetov elordada ótip jatqan ulttyq mektep sport lıgasy barysynda.
Onyń aıtýynsha, mektepterde sanıtarlyq talaptar tıisti deńgeıde saqtalǵan.
«Keıbir synyptar karantınge jiberilip, qashyqtan oqyp jatyr. Al keıbir synyptar kerisinshe mektepke qaıta oralyp jatyr. Jalpy kórsetkish 0,1 paıyzdan aspaıdy. Iаǵnı jaǵdaı turaqty. Eń bastysy – mektepte sanıtarlyq talaptar qatań saqtalýda jáne karantın erejelerin ustana otyryp, bilim berý óz deńgeıinde jalǵasa beredi», dep tolyqtyrdy mınıstr.