Túrkııanyń e-Nabız veb-saıtyna eriktilerden COVID-19 vırýsyna qarsy otandyq TURKOVAC vaksınasynyń úshinshi dozasyn salýǵa ótinimder túse bastady, dep habarlaıdy Egemen.kz.
О́tinimder eldiń Densaýlyq saqtaý mınıstri Fahrettın Qojanyń koronavırýsqa qarsy vaksınanyń eki komponentin alǵan Túrkııa turǵyndaryn el ǵalymdary jasap shyǵarǵan TURKOVAC vaksınasynyń úshinshi dozasyn saldyrtýǵa úndegen soń túse bastady.
TURKOVAC vaksınasynyń býsterlik dozasyn saldyrtýǵa eriktiler buǵan deıin vaksınanyń qos dozasyn alǵan jáne COVID-19 vırýsymen aýyrǵan18-59 jas aralyǵyndaǵy azamattar qatarynan tańdalady. TURKOVAC vaksınasynyń úshinshi dozasyn saldyrtýǵa nıet bildirgen azamattar enabiz.gov.tr veb-saıtyna kirip, (Vaksınalardy zertteýde erikti bolý) batyrmasyn basýy tıis. Vaksınany zertteýge qatysý úshin barlyq krıterıılerge sáıkes bolǵan kandıdattar e-Nabız saıtynda aqparattandyrylady.
TURKOVAC vaksınasynyń býsterlik dozasy 41 medısınalyq ortalyqta, eń aldymen qalalyq aýrýhanalarda engizilýde. Ony Túrkııanyń túkpir-túkpirindegi barlyq turǵyndar saldyrta alady.
TURKOVAC otandyq vaksınanyń serııalyq óndirisin iske qosý úshin oǵan kem degende 3 myń erikti qatysýy qajet.