Almatyda sıntetıkalyq esirtki shyǵaratyn úsh esirtki zerthanasy joıyldy, dep habarlaıdy Egemen.kz.
Olardyń biri Medeý aýdany aýmaǵyndaǵy úıden tabyldy. Tintý kezinde sıntetıkalyq esirtkilerdi daıyndaýǵa arnalǵan komponentter, sondaı-aq jalpy salmaǵy 3,5 kg satýǵa daıyn «mefedron» zaty tárkilendi.
«Sáýir aıynda esirtki bıznesi jelisi boıynsha UQT qurýda kinási dáleldengen 8 aıyptalýshy ustalǵan. Top «mefedron» sıntetıkalyq esirtkisin ınternet-resýrstar arqyly daıyndaýmen jáne ótkizýmen aınalysty. Sonymen qatar, esirtki zattarynyń taralýy týraly aqparatty qamtıtyn 3901 graffıtı-jazýy boıalǵan. Esirtki jarnamasy úshin 5 adam qylmystyq jaýapkershilikke tartyldy. Almaty polısııasynyń bastamasymen jyl basynan beri 357 ınternet-saıt buǵattaldy», dedi Almaty PD basshysy Qanat Taımerdenov.
Jyl basynan beri Almaty polısııasy 545 esirtki qylmysyn anyqtady. 380 kılogramnan astam esirtki tárkilenip, zańsyz aınalymǵa jiberilgen joq.