Baqylaýǵa da baıyptylyq kerek

Aqmola medıa-ortalyǵynda oblys ákiminiń orynbasary As­hat Qaınarbekov eldegi valıý­ta baǵamynda oryn alǵan ózgeris­ter­ge baılanysty brıfıng ótkiz­di. Onyń jumysyna Ulttyq bank fılıalynyń dırektory Ǵ.She­ge­nov, oblystyq kásipkerlik jáne ónerkásip basqarmasynyń bas­shysy T.Hamıtov, oblystyq ta­bı­ǵı monopolııalar­dy retteý depar­tamenti men monopolııaǵa qar­sy ınspeksııanyń basshylary T.Maksılov pen E.Súleımenov qatysty. Ashat Qanatuly respýb­lıkalyq jáne jergilikti BAQ jýrnalısteri men par­tııalardyń, qoǵamdyq uıym­dardyń ókilderine alǵashqy eki kúnniń qorytyndylary týraly tolyq málimet berdi. Qańtardyń 11-i kúni oblys ákimi Qosman Aıtmuhametov aýdan ákimderimen, basqarma, kásiporyn basshylarymen, halyq tutyný taýarlaryn óndirýshi operatorlarmen jáne ekijaqty memorandým ıelerimen shuǵyl májilis ótkizdi. Onda 21 pýnkt boıynsha is-sharalar jospary bekitilip, qoldanystaǵy baǵany ustap turý, onyń negizsiz ósýine jol bermeý týraly tapsyrma berildi. Oblysta azyq-túliktiń 33 ataýynyń baǵasy qatań baqylaýda ustalýda. Arnaıy komıssııa qurylyp, kúnine úsh ret baqylaý aqparattary saraptan ótkizilýde kórinedi. Bolmashy aýytqýshylyqtarǵa qaramastan óńirdegi jaǵdaı turaqty sıpatta degen málim­deme jasaldy. Brıfıngke qatysýshylar tarapynan Úkimet basshysy tarapynan belgilengen nusqaýlardy oryndamaýshylarǵa qol­da­nylatyn sharalar, mundaı jaǵdaılar týraly qaıda habarlanýy qajet, turǵyn úı men avtokóliktiń qymbattaýy, nesıeni shetel valıýtasymen alǵandardyń máselesi, taýar defısıti qoldan jasala ma, dári-dármekterdiń jaıy, taǵy basqa problemalar týraly suraqtar qoıyldy. Kezdesý sońynda oblys­ ákiminiń orynbasary A.Qaınarbekov baspasóz ókilderin salmaqty da baıypty jarııalanymdar arqyly oblys turǵyndary arasynda túsinik jumystaryn júrgizýge shaqyrdy. Baqbergen AMALBEK, «Egemen Qazaqstan». Aqmola oblysy.