Ulttyq banktiń teńge baǵamyn túzetip, ózgertýi bizdiń taý-ken metallýrgııa qaýymdastyǵyna óte tıimdi degim keledi. Bizdiń qaýymdastyqta júzge jýyq kásiporyn bar. Olarda 3 myńnan astam adam jumys isteıdi. Barlyq kásiporyndardyń óndirgen taýarlarynyń 90 paıyzy eksportqa shyǵarylady. Al metaldardyń baǵasy jahandyq daǵdarysqa baılanysty aıtarlyqtaı arzandady. Osydan biraz jyl buryn Pavlodarda elektrolız zaýytyn iske qosqan bolatynbyz. Onda shyǵatyn allıýmınıı baǵasy byltyr burnaǵy jylǵa qaraǵanda 20 paıyzǵa tómendep, qazir 1670 dollardy qurap otyr. Eldegi iri kompanııanyń biri «Arselor Mıttal Temirtaý» osy kezde qıyn jaǵdaıda tur. Ol qara metaldar ónerkásibinde prokat shyǵaratyn jalǵyz kásiporyn ekeni belgili. Onyń óndiretin metaldary byltyr 2012 jylǵa qaraǵanda 2 ese arzandap ketti. Sebebi, qazirgi ýaqytta olardyń shyǵaryp jatqan ónimderi eksporttalmaı jatyr. Bul naryq baǵasyna baılanysty bolyp otyr.
Munymen qatar, elimiz teńizden alshaq ornalasqandyqtan, teńizge deıin ónimdi temirjolmen jetkizýge jumsalatyn shyǵyn ónim qunynyń aıtarlyqtaı bóligin quraıtynyn nazardan tys qaldyrmaıyq. Bizdiń ónimderdiń básekege qabilettiligi bul turǵydan alǵanda qıyn bolyp tur. О́nerkásipter de bizge habarlasyp óz oılaryn aıtyp jatyr. Buıyrtsa, keleshekte túsetin tabys kóbeıedi. Ol qarajat ónerkásipti damytýǵa sep bolmaq. Mysaly, «Arselor Mıttal» aýqymdy modernızasııalaý jumystaryn bastap ketti. Jasalyp jatqan iri 2 jobaǵa qarajat qajet. Teńge baǵamynyń aıyrmasynan keletin paıda atalǵan jobalardyń júzege asyrylýyna járdem bolary anyq.
Tólegen Muqanov,
Qazaqstan taýar óndirýshileri jáne eksportqa
shyǵarýshylar odaǵynyń vıse-prezıdenti,
Taý-ken óndirýshi jáne ken-metallýrgııalyq
kásiporyndary qaýymdastyǵy
dırektorynyń orynbasary.