Aqmola oblysy Aqkól aýdanynda órt sóndirý beketi ashyldy, ol óz jumysyn «Altyn Jer Astana 2020» ShQ bazasynda júzege asyratyn bolady. Aıta ketý kerek, bul Aqkól aýdanynda jumys isteıtin úshinshi órt sóndirý beketi.
О́rt sóndirý beketi shamamen 1067 adam turatyn Azat aýylyn jáne jaqyn ornalasqan aýyldyq okrýgterin de órtke qarsy qorǵaýdy qamtamasyz etedi. О́rt sóndirý beketiniń jumys isteýi táýlik boıy jáne jyl boıy júzege asyrylatyn bolady, onda qyzmetti aýysym boıynsha 6 adam atqaratyn bolady. Daıyndyq is-sharalary kezeńinde Aqkól qalasy 26-О́SB jeke quramy Aqkól aýdanynyń TJB qoldaýymen aýdan ákimdigimen ózara is-qımyl jasaý úshin jergilikti atqarýshy organdardyń balansyna berilgen órt sóndirý avtomashınasyna jóndeý júrgizildi, ákimdik órt sóndirýshiler úshin 590 myń teńge somasyna órt-tehnıkalyq qarý-jaraq pen jaýyngerlik kıim jáne jaraq satyp aldy.
О́rt sóndirý beketi «Altyn Jer Astana 2020» ShQ bazasynda ornalasqan jáne bekettiń jeke quramyna jumys isteý úshin jaǵdaı jasalǵan.
О́rt sóndirý beketi jylytylatyn garajben qamtamasyz etilgen, telefon baılanysy jumys isteıdi. Táýliktik jaýyngerlik kezekshilikke aýyl turǵyndary qatarynan bekettiń jeke quramy kiristi. Jeke qurammen Aqkól qalasynyń 26-О́SB bazasynda oqytý júrgizilgen. Jańadan qurylǵan komanda tek órtterge ǵana emes, sondaı-aq olardyń jaýapkershilik aımaǵynda bolyp jatqan basqa da tótenshe jaǵdaılardy joıýǵa qatysady, qıyn jaǵdaıǵa tap bolǵan adamdarǵa kómek kórsetedi jáne eldi mekenderdiń turǵyndary arasynda úgit-nasıhat jumystaryn júrgizedi. Sonymen qatar aýdan ákimi eldi mekender men dala alqaptaryn órtten qorǵaýǵa kóp kóńil bóledi. Bul bekettiń jumysy «Altyn Jer Astana 2020» ShQ dırektory M.N.Toleýbekovtiń atynan memlekettik-jeke menshik áriptestik aıasynda qolǵa alyndy.
О́rt sóndirý beketiniń ashylýy aýyldyq okrýgter men jalpy aýdan turǵyndary úshin tehnogendik jáne tabıǵı sıpattaǵy tótenshe jaǵdaılardan qaýipsizdiktiń uzaq merzimdi kepili bolatyny sózsiz.