Elbasy bıylǵy Joldaýynda ınnovasııaǵa aıryqsha nazar aýdardy. Buıyrtsa, endi utqyr jáne mýltımedııalyq, nano jáne ǵaryshtyq tehnologııalar, robot tehnıkalary men gendik ınjenerııa, bolashaqtyń energııasyn izdeý jáne ashý sııaqty ekonomıkanyń jańa salalary qalyptasady.
Osy oraıda, «QTJ» UK» AQ fılıaly – «Inform-servıs» mekemesin qurý týraly sheshimniń durys bolǵanyn ýaqyttyń ózi kórsetip otyr. Ony dáıekpen bekitsek, naqty ýaqyt tártibinde qyzmetter usynýdyń iService aqparattyq júıesi ázirlengen. Jyldam júıe júk jóneltýshi klıentter ǵalamtor arqyly onlaın jaǵdaıda óz elimizde, sondaı-aq, TMD jáne Baltyq jaǵalaýy elderiniń aýmaǵyndaǵy óz vagondary jóninde tolyq málimet alyp tura alady. Tipti qalaı ornalasýy, qansha jol júrip ótkeni, jaramsyzdyqtary, turyp qalý sebebi sııaqty kiltıpandardyń baıybyna qanyǵýǵa múmkindik beredi.
Munymen birge, «Qaztemirtrans» AQ vagon parkin basqarýdyń avtomattandyrylǵan júıesiniń baǵdarlamalyq kesheni úshin shuǵyl tártipte qoǵam vagondarynyń ornalasýy týraly aqparat alýdyń baǵdarlamalyq quraly túzilgen. Ol jergilikti temirjol ákimshiliginde vagondardy baqylap, joldaǵy qalyptan tys oqıǵalarǵa jedel ún qatýdy, poıyz qozǵalysyn durys boljap, tasymal úderisine qatysýshylarmen esep aıyrysý aýyrtpalyqtaryn jeńildetedi.
Al, «Kedentransservıs» kompanııasyna vagon parkin jedel basqarýǵa qajetti aqparattyq qyzmetterdiń barlyǵyn jedel berýge qatysty jumystar júrgizilip jatyr. Tıisti qujattarǵa qol qoıylǵan. «Áskerılendirilgen temirjol kúzeti» AQ pen Tasymaldaý úderisi dıreksııasynyń ortaq tirligine qatysty kúzetiletin júkti esepke alýdyń baǵdarlamalyq quraly jasalǵan.
«Egemen-aqparat».