Fransııadan 350 avtobýs ákelinedi

Jaqynda Astana qalasynyń ákimdiginde fransýzdyq «IVEKO BUS» kompanııasynyń tabıǵı gazben júretin 350 avtobýsyn alý jóninde kelisimshartqa qol qoıyldy. Bul sharaǵa qala ákimi Imanǵalı Tasmaǵambetov pen Fransýz Respýblıkasynyń Qazaqstandaǵy elshisi Fransıs Eten qatysty. Kelisimge sáıkes Fransııa kompanııasy 2014 jylǵy 1 tamyzǵa deıin Astana qalasyna 200 jańa avtobýs jetkizedi. Qalǵan 150 avtobýs aǵymdaǵy jyldyń birinshi qazanyna deıin ákelinetin bolady. Bul ınvestısııalyq jobany is júzine asyrý úshin «Astana LRT» JShS CAFAS kompanııasynyń saqtandyrý kepildigimen Ger­manııanyń «CommerzBank» atty bankinen tıisti nesıe aldy. Bul ın­vestısııalyq jobanyń jalpy kólemi 91 mıllıon eýrony qu­raıdy. Satyp alynǵan jańa avtobýs­tar Astana qalasynda 2014 jyl­dyń shildesinde paıdalanýǵa be­riletin kommýnaldyq avtobýs parkiniń qaramaǵyna beriletin bolady. Qazirgi ýaqytta 8,48 gek­tar jer teliminde osy bola­shaq avtobýs parkiniń qury­lysy qyzý júrgizilýde. Fran­sııa­dan ákelinetin IVECO avtobýs­tarynyń edenderi tómen, pandýs­ter ornatylǵan. Bul múmkindigi shekteýli azamattardyń qaty­naýy­na óte qolaıly. Sonymen bir­­ge, jańa avtobýstardyń ishinde mú­gedek arbalary ornalastyrylatyn oryndar bar. Mundaı qolaıly avtobýstar Fransııanyń qalalarynda kóptep qoldanylady.  Astanaǵa ákelinetin fransýzdyq IVECO avtobýstarynyń 270-iniń uzyndyǵy 12 metr bolsa, 80-iniń uzyndyǵy 18 metrge teń. Elordanyń kólik qatynasy úshin óte tıimdi bul ınvestısııalyq jobaǵa Qazaqstan tarapynan «Astana LRT» AQ-tyń basqarma tóraǵasy Talǵat Ardan jáne  «IVEKO BUS» kompanııasynyń prezıdenti Per Laýt qol qoıdy. Qazirgi kúni Astana qalasynda quramynda 890 kólik birligin quraıtyn 8 kólik kompanııasy jumys isteıdi. Jalpy, qalamyzda 2444 shaqyrymǵa sozylǵan 49 avtobýs baǵyty bar. Bir táýlik ishinde osy kóliktermen 669 myń jolaýshy tasymaldanady. So­laı bola tursa da, elordada qo­ǵamdyq kólik jetimsizdigi 357 bir­likti quraıdy. Atalmysh  ınves­tı­sııalyq jobanyń júzege asyry­lýy nátıjesinde Astana qala­syn­daǵy qoǵamdyq kólik qozǵa­lysy jaqsaryp, turǵyndarǵa qyz­met kórsetý sapasy artatyn bolady. Nııaz JYLQYBAEV. ASTANA.