Qaznet qoldanýshylary elimizde balalardy KVI-ǵa qarsy vaksınasııalaýdy aýyldyq okrýgterden bastaý josparlanyp otyrǵany týraly habarlama taratýda, dep jazady Egemen.kz.
Bul týraly Stopfake.kz saıty habarlady.
Aýyl turǵyndary ımmýndaýǵa arnalǵan preparattar men olardyń janama áserleri týraly eshteńe bilmeıdi, sondyqtan osyndaı sheshim qabyldanǵan eken. Bul málimdeme jalǵan.
Densaýlyq saqtaý mınıstrligi mundaı vaksınasııalaý josparlary týraly aqparatty joqqa shyǵardy.
«Bul aqparat shyndyqqa janaspaıdy. Búgingi kúni 12 jastan asqan balalarǵa qoldanýǵa ruqsat etilgen Pfizer/BioNTech vaksınasy Qazaqstanǵa ákelinbegen. Balalardy vaksınasııalaý jospary da joq. Balalardy vaksınasııalaý ata-analardyń aqparattandyrylǵan kelisimi bolsa ǵana júrgiziledi jáne balanyń turǵylyqty jerine baılanysty bolmaıdy», dep habarlady vedomstvodan.