2021 jylǵy qańtar-shilde aılarynda Qazaqstan 3 650,2 myń kóleminde jıhaz ónimderin eksporttady, bul 2020 jyldyń sáıkes kezeńimen salystyrǵanda 2 ese kóp. Bul týraly «QazIndustry» Qazaqstandyq ındýstrııa jáne eksport ortalyǵy» AQ baspasóz qyzmeti habarlady.
Sala eksportynyń taýarlyq qurylymynda negizgi kólem plastmassadan jasalǵan jıhazǵa (eksporttyń jalpy kóleminiń 35,9%), ózge de metall jıhazǵa (12,0%) jáne ózge de aǵash jıhazǵa (10,4%) keledi.
Jıhaz ónimderin ótkizýdiń negizgi naryqtary – О́zbekstan (1 193 myń dollar), Reseı (862,2 myń dollar), Qyrǵyzstan (706,4 myń dollar), Armenııa (271,2 myń dollar) jáne Tájikstan (173,2 myń dollar).
Aıta ketý kerek, bıyl О́zbekstanǵa jıhaz ónimderin eksporttaý kólemi 9 esege artty, bul birinshi kezekte el ekonomıkasynyń qarqyndy ósýine jáne koronavırýs pandemııasymen kúres boıynsha shekteý sharalarynyń tómendeýine baılanysty.