Qazaqstannyń Kanadadaǵy elshisi Konstantın Jıgalov Kıngston qalasynda (Iаmaıka) bolyp, general-gýbernator Patrık Allenge Senim gramotasyn tapsyrdy. K.Jıgalov sóıtip, Iаmaıkada Qazaqstannyń elshisi qyzmetin qosa atqaratyn alǵashqy elshi bolyp otyr.
P.Allenmen áńgime sheńberinde K.Jıgalov Qazaqstannyń 2014-2020 jyldarǵa arnalǵan Syrtqy saıasat tujyrymdamasyna sáıkes, Qazaqstan tarapy Karıb óńirimen, onyń ishinde saıası salmaǵy joǵary Iаmaıkamen qarym-qatynasqa úlken mańyz beretinin atap kórsetti. General-gýbernator óz eliniń Qazaqstanmen kópjaqty yntymaqtastyqty damytýǵa múddeli ekenin qýattady.
Iаmaıka Syrtqy ister jáne syrtqy saýda mınıstri Arnold Nıkolsonmen kelissóz barysynda ekijaqty yntymaqtastyq pen halyqaralyq máseleler, onyń ishinde BUU sheńberindegi ózara qoldaý kórsetý jaıy talqylandy.
Iаmaıka Týrızm mınıstri Vaıkem Makneıl Qazaqstan elshisimen kezdesýi kezinde ótken jyly Iаmaıkada bolǵan qazaqstandyq týrıster sany óse túskenin atap ótip, olardyń odan ári kóbeıýine qyzyǵýshylyq tanytty.
Osy eldiń Indýstrııa, ınvestısııa jáne saýda mınıstri Entonı Hıltonmen kezdesý kezinde saýda-ınvestısııalyq áriptestikti damytýdyń perspektıvalary talqylandy. E.Hılton qazaqstandyq kompanııalardy Iаmaıkadaǵy jańa halyqaralyq logıstıkalyq habty damytýǵa qatysýǵa shaqyrdy.
«Egemen-aqparat».