Jyldyq ınflıasııa qyrkúıekte 13 óńirde jyldamdady. Bul týraly QR Ulttyq bankiniń tóraǵasy Erbolat Dosaev aıtty, dep habarlaıdy Egemen.kz.
«Inflıasııany turaqtandyrý maqsatynda Memleket basshysy osy jylǵy qyrkúıektegi óziniń Joldaýynda Úkimetke Ulttyq bankpen birlesip monetarlyq emes faktorlarǵa erekshe nazar aýdarýdy tapsyrdy. Prezıdenttiń oryndaý úshin Úkimet sheshimimen Inflıasııaǵa qarsy den qoıý sharalarynyń kesheni bekitildi, ony iske asyrý osy jylǵy qyrkúıekte bastaldy», dedi E. Dosaev Májilistiń jalpy otyrysynda.
Sonymen qatar ol bıylǵy ınflıasııany tejeýdiń negizgi qadamdaryn aıtty.
«Sizderdiń nazarlaryńyzdy óńirlerdegi jaǵdaıǵa aýdarǵym keledi. Jyldyq ınflıasııa qyrkúıekte 17 óńirdiń 13 óńirinde jyldamdady, ol 6 oblysta 9 paıyzdan asyp otyr. Ulttyq banktiń pikirinshe, óńirlik naryqtarda baǵalardy turaqtandyrý jáne taýarlar tapshylyǵyna jol bermeý bıylǵy jylǵy ınflıasııany «tejeýdiń» negizgi faktorlary bolyp sanalady», dedi UB basshysy.