QART MAIDANGERLERGE QURMET KО́RSETILDI

Erlik pen órlik rýhynyń aı­ǵa­ǵy – Jeńistiń 65 jyldyq mereı­toı­yna oraı, elimizdiń túkpir-túk­p­i­­rinde Uly Otan soǵysy arda­gerlerine qamqorlyq pen qoldaý kórsetý maqsatynda keshendi sha­ralar júzege asyrylýda. Osyndaı mereıtoılyq shara­lar­dyń aýqymdy shoǵyryn “Nur Otan” HDP  atqaryp otyr. Máse­len, bılik partııasy  patrıottyq mazmundaǵy, sondaı-aq, jas ur­paq­qa óz babalary men atalarynyń kú­res­kerliginen syr shertetin kez­de­sý­ler men ǵajaıyp kórme ekspo­zı­sııa­laryn uıymdastyrýdy óz en­shi­sine alǵan eken. Olardyń qata­ryn­da el kóleminde ótetin “Ardager­ler­di ardaqtaıyq!” atty aksııa da bar. Keshe  “Nur Otan” HDP Orta­lyq apparatynda partııa Tór­aǵa­synyń birinshi orynbasary Nurlan Nyǵmatýlınniń soǵys jáne eńbek ardagerlerimen kezdesip, emen-jar­qyn áńgime-dúken qurýy osyndaı ıgi sharalardyń zańdy jalǵasyndaı kórindi. “Sizderdiń el erteńi úshin jan aıamaı kúresken erlikterińizdiń ar­qasynda biz táýelsizdigimizdi alyp, beıbit ómir súrip jatyrmyz. Son­dyqtan, elimizdiń Prezıdenti, “Nur Otan” partııasynyń Tóraǵasy Nursultan Nazarbaev árqashan da ardagerlerge nazar aýdaryp, kómek kórsetip, qamqor bolyp  kele jat­qanyn jaqsy bilesizder. Bul Jeńis – keıingi urpaq, jastarymyz úshin aıryqsha úlgi-ónege. Sebebi, sizder tek soǵysta erlik kórsetip qana qoı­maı, sol maıdannan keıin de eli­mizdiń damý jolyna túsip, ór­ken­deýine úlken úles qostyńyzdar. Qansha ýaqyt ótse de sizderdiń Otan úshin, urpaq úshin ot keshken eren erlikterińiz esh umytyl­maı­dy”, – dedi Nurlan Nyǵmatýlın ardagerlerge arnaǵan sózinde. Kezdesý barysynda maıdanger-ardagerler ózderine memleket ta­ra­py­nan kórsetilip jatqan barlyq ma­terıaldyq, medısınalyq kómek pen táýelsizdikti, beıbitshilik pen turaq­tylyqty saqtaý jolyndaǵy eńbegi úshin Elbasyna alǵystaryn bildirdi. Sondaı-aq, qarttar ózde­riniń sura­pyl soǵys jyldaryndaǵy aýyr tur­mystaryn eske alyp, bú­gingi tynys-tirshilikteri týraly oı bólisti. Jas býynǵa óz amanattaryn arnady. Kezdesý sońynda qart maı­dan­ger­lerge partııa atynan estelik syı­lyqtar tabys etildi. Láıla EDILQYZY. EL TО́RINE KELGEN ERLIK TÝY Qýanysh pen qaıǵyny, úmit pen erlikti bir arnaǵa ushtastyrǵan uly Jeńiske bıyl 65 jyl tolyp otyr. Tarıhta altyn áriptermen jazyl­ǵan onyń bastaýy – 9 mamyr qar­sa­ńynda el aýmaǵynda mán-maǵy­na­sy tereń túrli is-sharalar ót­ki­zilip jatyr. Sonyń aı­byndy da abyroılysyna toqtalsaq, ol L.N. Gýmılev atyndaǵy Eýrazııa ulttyq ýnıversıtetine ákelingen Reıhstag qaharmany Raqym­jan Qoshqarbaev qyzmet etken, Jeńis jalaýyn tigýge tikeleı jol ashýǵa aqjoltaı bolǵan áskerı qurylymnyń týy der edik. Bul jádigerdiń Reseıden Qa­zaqstanǵa kelýine tikeleı atsa­lys­qan general-maıor, Aýǵan soǵy­synyń ardageri Serikqalı Muqanov onyń tanystyrylymy barysynda: “Reıh­s­tagqa shabýyl jasalǵan kez­degi 9 jalaýdyń ishindegi eń birin­shisin qandasymyz Ra­qym­jan Qosh­qar­baev tikken bolatyn. Alaıda ke­ńestik júıeniń surqııa saıasaty bizdiń asyl azamaty­myz­dyń atyn jarııa etpek túgili ony jasyryp, moıyn­da­maı keldi. Laý­lap jatqan otty qa­ǵazben oraı al­maısyń ǵoı. Dál osy qaǵıda sııaq­ty shyndyqty qansha burma­la­sań da ol túbinde óziniń aqıqat­ty­lyǵyn dáleldep shyǵady. Minekı, búgingi tańda halqymyzdyń qaharman per­zentiniń erligin bári moıyndady. Bul biz úshin máni erek­she zor qýa­nysh. Keıbir derek kóz­derine súıen­sek, jalaý birneshe bó­lik­ke bólinip, jaýyngerler arasynda estelik retinde taratylyp ketken. Sondyqtan 1945 jylǵy mamyrdyń 3-i kúni KSRO Joǵarǵy Keńesiniń Prezıdıýmy “Uly Jeńistiń týyn bekitý týraly” qaýly qabyldap, Reıhs­tag­qa jan-jaqtan shabýyl jasaǵan sanaýly dıvızııa men polk, batalon týlaryn jeńis sımvoly retinde resmı túrde bekitken. Myna jádiger sonyń biri. Muny kóshirme dep sanaýǵa bolmaıdy. Sebebi, bul sol alapat shaıqastyń kýási, qundy jádigeri. Sondyqtan ol eshýaqytta da óz mánin joǵaltpaıdy. Uly murany elordadaǵy Tuńǵysh Prezıdent murajaıyna aparyp jaıǵas­tyramyz”, – dedi. “Raqymjan meniń nemere aǵam. Tý búgin osy oqý ornyna ákelinedi degen aqjoltaı habardy maǵan “Egemen Qazaqstannyń” jigitteri jetkizgen edi. Sony kórýge keldim, qaraqtarym. Osyndaı pat­rıottyq sharanyń ótkizilýi eli­miz­diń erkindigi men eldiginiń arqasy dep bilemin. Ýnıversıtet rektory Baqytjan Ábdiraıymovqa rahmet!” dedi kez­desýde Raqymjan Qoshqar­baev­tyń nemere qaryndasy Rym­jan apa Musabekqyzy óz sózinde. V.G. Belınskııdiń: “О́z Otanyn jan-tánimen súıý – adamshyl­dyq­tyń asqar shyńy”, – dep aıtqan só­zi bar edi. Ýnıversıtettegi jo­ǵa­rydaǵy is-shara sondaı bir asyl qa­sıetti nasıhattaýdyń kórinisindeı áser qaldyrdy kópshilikke. Araı ÚIRENIShBEKQYZY. MEREKELIK MEDALDAR TAPSYRYLDY Eńbek jáne halyqty áleýmettik qorǵaý mınıstri Gúlshara Ábdi­qa­lyqova Uly Jeńistiń 65 jyldyǵy qarsańynda elordamyzdaǵy Uly Otan soǵysynyń birqatar  arda­ger­leriniń shańyraǵynda bolyp, Otan úshin ot keshken qarttarymyzdy quttyqtap, mereıtoılyq medaldar tabys etti. Mınıstr G.Ábdiqalyqova aldy­men soǵys ardageri  Japparqul Baı­ymbetovtiń shańyraǵyna keldi. Toqsannyń tórine shyqqan oń­tús­tik­qazaqstandyq Japparqul aqsa­qal búginde Astana qalasynda ne­me­resiniń qolynda turyp jatyr eken. Mınıstrdiń kelgenine balasha qýanǵan ol qolyndaǵy gúl shoq­ta­ryn ala turyp kóz jasyna erik berdi. Onyń syry da kóp keshikpeı málim boldy. Bir shańyraqtan soǵysqa attanǵan úsh azamatten elge oralǵan bir ózi ǵana eken. Qazirgi tań­da 4 ul, 4 qyz tárbıelep ósirip, Jeńistiń 65 kóktemin nemeresiniń qolynda, el tórinde qarsy alǵaly otyr. Gúlshara Naýshaqyzy Elba­sy­nyń bıylǵy jylǵy Joldaýynda aıtylǵan “Árbir ardager nazardan tys qalmaýy tıis” degen tapsyr­ma­syn tilge tıek ete otyryp, arda­ger­men emen-jarqyn shúıirkelesti. Sonymen qatar, ardagerge “Uly Otan soǵysyndaǵy Jeńiske 65 jyl” mereıtoılyq medalin tabys­tap, ózimen birge ala kelgen syı­ly­ǵy – teledıdar tartý etti. Aqsa­qal­dyń elimizde bolyp jatqan árbir qýanyshty jańalyqty osy teledıdar arqyly kórip otyrýyna tilektestik bildirdi. Osyndaı abyr-sabyr, qarbalas sátte elorda ákim­diginiń ókilderi da syı-syıapat­taryn usyna otyryp, aqsaqalǵa qýanysh­ty habar jetkizdi. Uly Jeńis kúni qarsańynda Elbasy qolynan páter kiltin alatyny týraly súıinshi surady. Osy kúni taǵy bir elordalyq ar­dager Gleb Moıseevke de mere­ke­lik medal tabys etildi. Ardager soǵystyń bastalǵanyn ken ornynda jumys istep júrip estipti. Alǵash Don ózeni jaǵalaýynda, odan keıin Stalıngrad qalasyn jaýdan azat etýge qatysqan maıdanger bul kún­de eki balasynan nemere, shóbere súıip otyrǵan baqytty ata. Maı­danger aqsaqal merekelik medalǵa sheksiz qýanyshty ekendigin aıta kelip, urpaqtarymyz soǵys degendi bilmeı óssin degen atalyq tilegin aıtty. Venera TÚGELBAI.