Egemen Qazaqstan gazetiniń 2021 jylǵy 12 qazandaǵy sanynda Mońǵolııanyń Qazaqstandaǵy Tótenshe jáne ókiletti elshisi Lývsangıın Battýlgadan alǵan Merýert Búrkitbaevanyń suhbaty jaryq kórdi, dep habarlaıdy Egemen.kz.
Mońǵolııa elshisi Qazaqstan - Mońǵolııa arasyndaǵy qarym-qatynas, yntymaqtastyq pen dostyqty aıta otyryp, Mońǵolııadaǵy qazaqtardyń ómir súrý saltyna qysqasha toqtaldy.
«Mońǵolııadaǵy ózge ult ókilderiniń ishindegi sany jaǵynan eń kóbi – qazaqtar. Olar Baıan-О́lgıı aımaǵynda shoǵyrlanyp, ómir súredi. Qazaqstan táýelsizdigin jarııalaǵan soń dúnıe júzine taralyp ketken qandastaryn elge oralýǵa shaqyryp, kóshirip alý isin qarqyndy júrgizdi. Mońǵolııadan 90 myńdaı qazaq aǵaıyn Qazaqstanǵa kóship kelgen. Mońǵolııada ómir súrip jatqan qazaqtar – Mońǵolııa qoǵamynyń ajyramas bir toby. Qazaqstan taraby Baıan-О́lgıı aımaǵynda dıplomatııalyq ókildik ashý týraly usynys bildirip keledi. Bul másele jaıly kelissóz júrgizilý ústinde», dedi Lývsangıın Battýlga.