21 qazanda «Rýhanı jańǵyrý» qazaqstandyq qoǵamdyq damý ınstıtýtymen ázirlengen Ulttyq baıandamany kópshilik talqylaý uıymdastyryldy.
Talqylaýǵa jetekshi otandyq sarapshylar, úkimettik emes uıymdardyń ókilderi, barlyq deńgeıdegi qoǵamdyq keńesterdiń belsendi músheleri qatysty.
Qoǵamdyq keńesterdiń qyzmeti týraly Ulttyq baıandama qoǵamdyq keńester ınstıtýtynyń jaı-kúıi men damý perspektıvalaryn taldaýdy qamtıtyn jyl saıynǵy esep bolyp tabylady.
«Baıandama memleket pen qoǵamnyń ózara is-qımylynyń quraly retinde qoǵamdyq keńesterdiń jumys nátıjeleri men negizgi baǵyttary týraly halyqty jyl saıyn aqparattandyrý maqsatynda jasalady», - dep atap ótti óz sózinde Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet.
Sarapshylardyń pikirinshe, bul zertteý qoldanystaǵy tásilderdi taldaýǵa, problemalyq aımaqtardy anyqtaýǵa jáne qoǵamdyq keńester ınstıtýtyn jetildirýge baǵyttalǵan is-sharalardy qalyptastyrýǵa múmkindik beretin usynystar jasaýǵa baǵyttalǵan.
«Ulttyq baıandama jobasy respýblıkadaǵy qoǵamdyq keńester ınstıtýtynyń qalyptasýynyń negizgi kezeńderin qamtıdy, respýblıkalyq jáne jergilikti deńgeıde jınaqtalǵan jumys tájirıbesin sıpattaıdy», dedi «Alternatıva» ózekti zertteýler ortalyǵynyń dırektory A.Chebotarev.
Baıandama jobasyn talqylaý jónindegi is-sharalar odan ári jalǵasatyn bolady, onda árbir azamat óz ustanymyn bildire alady.
Esterińizge sala keteıik, Qoǵamdyq keńester týraly zańnamanyń jańa normalaryna sáıkes, Qoǵamdyq keńesterdiń qyzmeti týraly Ulttyq baıandamany daıyndaý jáne Memleket basshysyna engizý alǵash ret zańnamalyq deńgeıde bekitildi.