Bıyl Syr boıynda qasqyrlar men shıebóriler jaıylymdaǵy maldarǵa shaýyp, sharýalardy shyǵynǵa batyrdy. Bul týraly «Qazaqstan» telearnasy habarlady.
Túz taǵylary qala irgesindegi aýyl turǵyndarynyń mazasyn qashyrdy. Jaǵdaı ýshyqqasyn, jergilikti óńirde jyrtqyshtardyń kózin joıatyn arnaıy jedel top quryldy.
Derekke júginsek, 2012 jyly oblys boıynsha 3112 qasqyr esepke alynyp, onyń 50-i ǵana atylǵan. Al byltyr tender jeńimpazy atanǵan mekeme qarajatty ıgere almaýy sebepti, ash qasqyrlardy joıýdyń múmkindigi bolmady. «Qazir qasqyrdy atý da ońaı emes. Onyń kózin joıý úshin kólik, oq jáne janarmaı kerek. Ári 10 myń teńgege qasqyr atý shyǵyndy kótermeıdi», - deıdi oblystyq tabıǵı resýrstar jáne tabıǵatty paıdalanýdy retteý basqarmasy jedel bóliminiń aǵa mamany Murat Mahanov.
Oblystyq basqarma qyzmetkeriniń bul aıtqanynan jartymsyz qarjyǵa qasqyrlardyń kózin joıý múmkin emes ekenin ańǵardyq. Al sharýa qojalyǵyna entelep kirgen qasqyrlar tórt túlikti jaıratyp jatyr.
Jergilikti turǵyndar bıyl qasqyrdyń kóp bolýyn, Arqadan kelgen aqbókendermen baılanystyrady. Onyń ústine túz taǵysynyń kózin joıýǵa arnalǵan tender áli ótkizilmegen kórinedi. Sondyqtan ash qasqyrlarmen qarapaıym jurtshylyq arpalysýda.
Ámirhan Almaǵanbetov.
Derekkóz: «Qazaqstan» telearnasy.
Foto: Altaynews.kz.