Batys Qazaqstan oblysynda «BatysPoımaAgro» korporasııasynyń tóraǵasy Armat Ahmetov7 jylǵa, astyq qabyldaý kombınatynyń quryltaıshysy Murat Jarkeev 8 jylǵa sottaldy. Bul týraly «Astana» telearnasy habarlady.
Olarǵa astyqty jasyryn satyp, memleketke 601 mln. teńge shyǵyn keltirdi degen aıyp taǵylǵan bolatyn. Tergeý barysynda kóktemgi dala jumystary úshin sharýa qojalyǵyna bólingen qarjynyń qoldy bolǵany málim boldy. Ol boıynsha bul iske M. Jarkeevtiń qatysy bary, ıaǵnı sharýalarǵa aldyn ala qol qoıǵyzyp, egis jumystaryna kerek qarjyny "BatysPoımaAgro" korporasııasynyń esep-shotyna aýdartqyzǵany anyqtaldy.Keıin sol aqshany «óz paıdasyna jaratqan» eken.
Sot úkimimen kelispegen qorǵaýshylardyń aıtýynsha, M.Jarkeevtiń kepilge qoıǵan jeke dúnıe-múlkiniń baǵasy berilgen aqshadan birneshe ese kóp bolýy sebepti, ony «alaıaq» dep aıtýǵa negiz joq...
Derekkóz: «Astana» telearnasy.
Foto: News.nur.kz.