О́skemendegi balalar úıinen eki bala qashyp ketti. Bul týraly qalalyq polısııa basqarmasynan málim etti, dep habarlaıdy Egemen.kz.
Belgili bolǵandaı, 22 qazan kúni keshke qalalyq balalar úıiniń qyzmetkeri polısııaǵa júgingen. Áıel mekemeden ketip, qaıta oralmaǵan eki balany izdeýge kómektesýin surady.
«Áıeldiń aıtýynsha, 10 jáne 11 jastaǵy uldar keshki saǵat 19-da balalar úıinen ketip, joǵalyp ketken. О́z betinshe izdeýler nátıje bermedi», dedi qalalyq polısııa basqarmasynyń baspasóz qyzmeti.
Qala polıseıleri qashqyndardy 10 mınýt ishinde taba aldy.
«Bul jerde polıseılerdiń kásibıligin atap ótkim keledi, olardyń jáne jedel basqarý ortalyǵynyń kameralarynyń arqasynda balalar 10 mınýttan soń tabylyp, balalar úıine qaıtaryldy», dep habarlady О́skemen polısııa basqarmasynyń basshysy Andreı Mýla.