Súıinshi, aǵaıyn, súıinshi!
Gazetke endi qol qoıylǵaly jatqanda, saǵat túngi 01-den jańa ǵana óte bergende teledıdardyń tikeleı efıri Sochıden tamasha sátti kórsetti. Qazaqstan qurama komandasynyń úkilegen úmiti – mánerlep syrǵanaýshy Denıs Ten búkil elge qýanysh syılady – HHII Olımpııa oıyndarynda tuńǵysh medalimizge qolymyzdy jetkizdi.
Denıs shyn máninde múmkin emesti múmkin etti deýdiń eshqandaı artyǵy joq. Iá, munyń aldyndaǵy qysqa baǵdarlamada toǵyzynshy orynǵa ǵana turaqtaǵan sportshymyz keshe erkin baǵdarlamada tamasha óner kórsetip, tóreshilerden 171,04 ball aldy. Sóıtip, óziniń aldyna japonııalyq Iýdzýrý Hanıý men kanadalyq Patrık Chandy ǵana salyp, Olımpıada júldegeri atandy. Denıs Tenniń qola medali – Qazaqstan sporty tarıhyndaǵy mánerlep syrǵanaýdan alynǵan alǵashqy nagrada.
Qýanysh qutty bolsyn!
Derekkóz: «Egemen Qazaqstan».
Foto: Sochl.ru 2014.