Belarýste koronavırýstyń jańa shtamy tirkeldi. Bul týraly Belarýs Respýblıkasynyń Densaýlyq saqtaý mınıstriniń orynbasary – bas sanıtarlyq dáriger Aleksandr Tarasenko «Belarýs 1» telearnasynda málim etti, dep habarlaıdy Egemen.kz.
«Qazirgi kezde kóbine delta-shtamm anyqtalyp jatyr, alaıda qyrkúıektiń basynan beri biz vırýstyń delta laıt shtamyn baıqaı bastadyq. Ázirge ekeýiniń arasynda qatty aıyrmashylyqty kórmedik, ondaı jaǵdaılar az», dedi Aleksandr Tarasenko.
Densaýlyq saqtaý mınıstriniń aıtýynsha, delta laıt shtamy basqa shtamdarǵa qaraǵanda adamnan adamǵa tezirek juǵady.
«Buryn vırýs 15 mınýt jáne odan kóp ýaqyt ishinde juǵatynyn aıtqan edik, jańa shtammdy juqtyrý úshin aýyrǵan adamnyń qasynda eki mınýt bolý da jetkilikti», dedi ol.
Atalǵan dertke kóbine 30-30, 40-49 jas aralyǵyndaǵy adamdar shaldyǵyp jatyr.
«Mınskide, basqa óńirlerge qaraǵanda, vırýs juqtyryp jatqandardyń basym bóligi 18-29 jastaǵy azamattar», dedi Aleksandr Tarasenko.
Aýrýdyń klınıkalyq kórinisinde birqatar aıyrmashylyqtar baıqaldy. Atap aıtqanda, buryn aýrýdyń aýyr kezi 7-8-shi kún bolsa, qazir ol 3-4-shi kúnge keledi.