О́zbekstanda ótken prezıdenttik saılaýda saǵat 11:00-degi jaǵdaı boıynsha saılaýshylardyń 33%-dan astamy daýys berdi. Osyǵan sáıkes prezıdenttik saılaý ótti dep tanyldy, dep habarlaıdy Egemen.kz.
Bul týraly Tashkentte ótken brıfıngte О́zbekstan Respýblıkasynyń Ortalyq saılaý komıssııasy tóraǵasynyń orynbasary Bahrom Kýchkarov málim etti.
Komıtettiń derekterine sáıkes, saǵat 11:00-degi jaǵdaı boıynsha О́zbekstan prezıdenti saılaýynda daýys berýge 6 669 552 azamat nemese halyqtyń 33,6%-y keldi. Tirkelgen daýys berýshiler sany – 19 859 127.
Saılaý kodeksine sáıkes, saılaýshylardyń kem degende 33%-y daýys bergen jaǵdaıda saılaý ótti dep tanylady.
«Osylaısha, prezıdenttik saılaý aıaqtaldy. Saılaý prosesine qatysqan barlyq azamattardy quttyqtaımyz», dedi B. Kýchkarov.
Eske sala ketsek, búgin О́zbekstanda prezıdenttik saılaý ótip jatyr. Oǵan bes kandıdat qatysýda. Kandıdattar qatarynda eldiń qazirgi prezıdenti Shavkat Mırzııoev ta bar. Jeńiske jetý úshin saılaýǵa túsýshiler 50%-dan joǵary daýys jınaýy kerek.