«Qazaqmys» óndirisshilerdiń jalaqysyn kóteredi

Dúısenbi kúni Qazaq­mys Toby bıylǵy jyl­dyń 1 sáýirinen bas­tap ón­di­ris­te jumys isteı­tin qyz­­metkerlerdiń eńbek­aqy­­laryn 10 paıyzǵa ósi­re­tin­digin habarlady. 2014 jyl­ǵy 14 aqpanda Úkimettiń keńeı­tilgen otyrysyndaǵy Pre­zıdent Nursultan Nazar­­baev­tyń usynysyna oraı osyndaı sheshim qabyldanǵan. «Bul jóninde naq­ty sheshim dál keshe qabyldana qoı­maǵanymen, Elbasynyń eńbek adamynyń jaǵdaıyn jasaýǵa qa­tysty oıy mys óndirýshilerdiń ju­­mysyn uıymdastyrýshylar ta­­ra­pynan túsinistik taýyp otyr. Kompanııa basshylyǵy osy másele boıynsha taıaý kúnderde arnaýly málimdeme jasamaqshy». – Áriptesimiz Aıqyn Nesipbaıdyń senbi kúni jarııalanǵan «Jalaqyny ósirý máselesi sheshiledi» atty maqalasy osylaı aıaqtalǵan edi. Solaı bolyp ta shyqty. «Qazaqmys» sońǵy jyldary óz qyzmetkerleriniń eńbekaqylaryn ósirgen osy saladaǵy sanaýly kompanııalardyń biri eken­digimen maqtana alady. Máse­len, 2012 jyldyń ózinde jumys­shy­lardyń eńbekaqysy orta esep­pen 30 paıyzǵa ósirilgen. Osy­laısha qazirge «Qazaqmystaǵy» óndi­ris­shi­lerdiń eńbekaqy deńgeıi osy sala boıynsha eń joǵary bolyp otyr. «Teńge baǵamynyń ózgerýi bizdiń qyzmetkerlerimizdiń de alańdaýshylyǵyn týdyrdy jáne biz qabyldaǵan sheshim olardyń otbasylaryna demeý bolady dep senemiz. Qazaqstandaǵy kásip­oryn­darymyzda shamamen 55 000 adam jumys isteıdi. Olardyń basym bóligi tikeleı óndiriste eńbek etedi jáne kompanııa qashan­da óndiriste jumys isteıtin qyz­metkerler úshin ádil jalaqy tóleý saıasatyn ustanady», dep málimdedi Qazaqmys Tobynyń basqarýshy bas dırektory Oleg Novachýk. Al «Qazaqmys» korporasııasy – mys, altyn, myrysh, kúmis, elektr energııasyn óndirýde eleýli aktıvteri bar, tabıǵı resýrstardy óndirý jáne óńdeýmen aınalysatyn halyqaralyq jetekshi top bolyp tabylady. «Qazaqmystyń» 16 kenishi, 8 taý-ken fabrıkalary jáne eki mys balqytýshy óndiristik kesheni bar, qazir olardyń birinde qaıta qurý jumystary júrgizilýde. Mys óndirisi ken óndirýden bastap mys katankasyn jáne katodty mys túrindegi daıyn ónim shyǵarýǵa deıin tolyqtaı ıntegrasııalanǵan. 2013 jyly menshikti kennen 294 myń tonna katodty teńgerimdegi mys óndirildi. Bul óndiris elektr energııasynyń ishki tasymaldarymen jáne aýqymdy temirjol ınfraqurylymymen qamtamasyz etilgen. Aınash ESALI, «Egemen Qazaqstan». Jezqazǵan.