Elimizde Dinı ekstremızm men terrorızmge qarsy is-qımyl jónindegi 2018-2022 jyldarǵa arnalǵan memlekettik baǵdarlamany júzege asyrýǵa jastar da atsalysyp júr. Atap aıtqanda, Jambyl oblysy ákimdigi men «Tıek» jastardy damytý ortalyǵy atalǵan oblysta ekstremızm jáne terrorızmniń aldyn alý maqsatynda semınar-trenıngter ótkizdi.
Ornyqty dinı ahýal qalyptastyrý úshin túzetý mekemelerinde ekstremızm men terrorızmge qarsy kúres keshendi túrde júrgizildi dese bolady. Semınar-trenıngterde dinı ekstremızm men terrorızmniń aldyn alý isine teologter, resmı din ókilderi, psıhologter, úkimettik emes uıymdar jumyldyryldy. Túzetý mekemelerinde atalǵan qylmys túrine qatysty bas bostandyǵynan aıyrylǵan adamdarǵa Qylmystyq atqarý júıesi komıtetiniń lektorlarymen birge Nur-múbárak Mysyr Islam mádenıeti ýnıversıtetinen K.Smaǵulov, N.Stambakıev, D.Meıirbekov sııaqty dáriskerler aqparattyq-túsindirme jumystaryn júrgizdi. Qazaqstannyń tarıhy men mádenıeti, saıasattaný jáne dintaný boıynsha jalpy bilim beretin dáricter oqyldy. Keshendi jumys barysynda Respýblıkalyq aqparattyq-túsindirý tobynyń sarapshy-psıhologi, psıhologııa kafedrasynyń aǵa oqytýshysy L.Shakımova ınteraktıvti taqta arqyly radıkaldy kózqarastaǵy adamdar sanasyna áser etetin kommýnıkatıvtik tehnologııalardy qoldandy. Teologııalyq aqparattyq-túsindirý sharalary aýdıo-beınematerıaldary qoljetimdi, arnaıy jabdyqtalǵan kabınette ótti. Onda psıhoterapevtik nemese psıhokorreksııalyq áser etý kózdeldi. Qylmystyq-atqarý júıesi mekemelerindegi sottalǵan adamdarmen teologııalyq ońaltý jumystaryn uıymdastyrý jónindegi qaǵıdalar negizge alyndy. Dinı ekstremızm men terrorızm ıdeologııalaryn, destrýktıvti aǵymdardy ustanýshy sottalǵandarǵa arnalǵan mundaı keshendi teologııalyq ońaltý jumystarynyń mańyzy óte zor. Olardyń ómirlik ustanymyn ózgertýge baǵyttalǵan psıhologııalyq trenıng qylmystyq atqarý júıesi mekemelerinde teris ıdeıalar taraýynyń aldyn alady.
Anjela INJIGOLIаN, áleýmettaný ǵylymdarynyń kandıdaty