Sınoptıkter 25 qazanǵa arnalǵan aýa raıy boljamyn jarııalady, dep habarlaıdy Egemen.kz.
«Frontaldy aýmaqtyń áserinen respýblıkanyń soltústiginde, soltústik-batysynda, batysynda jańbyr jaýady, elimizdiń batysynda, soltústiginde, ońtústik-batysynda jel kúsheıedi, tuman kútiledi», delingen «Qazgıdromet» RMK baspasóz habarlamasynda.
Atap aıtqanda, Almaty oblysynyń Alakól aýdandarynda jel jyldamdyǵy 15-20 m/s, ekpini 23-28 m/s kúsheıedi.
Túnde jáne tańerteń Aqmola oblysynyń soltústiginde, soltústik-shyǵysynda, kúndiz Batys Qazaqstan, Atyraý, Mańǵystaý oblystarynyń batysynda, Qostanaı oblysynyń soltústiginde, Soltústik Qazaqstan oblysynyń batysynda jáne soltústiginde jel 15-20 m/s deıin kúsheıedi.
Atyraýda, túnde jáne tańerteń Mańǵystaý oblystarynyń batysynda, Qostanaı oblysynyń soltústiginde tuman túsedi.
Túnde Jambyl oblysynyń taýly aýdandaryn tuman basýy múmkin.