Bishkekte «Pıssa ımperııasy» kafesiniń tanymal jelisinde 85 adam jeńil tamaqtan ýlanǵan, dep habarlaıdy Egemen.kz.
«25 qazan kúni temir jol aýrýhanasynyń juqpaly aýrýlar bólimine tamaqtan ýlanyp, medısınalyq kómekke júgingenderdiń jalpy sany 85 adamdy qurady», dedi Qyrǵyz Respýblıkasy Densaýlyq saqtaý mınıstrliginiń baspasóz qyzmetiniń ókili.
Densaýlyq saqtaý mınıstrliginiń málimetinshe, zardap shekkender «Pıssa ımperııasynyń» tanymal tamaqtaný oryndarynyń tórt kafesinde bolǵan.
«Memsanepıdqadaǵalaý ortalyǵynyń mamandary epıdemıologııalyq tekserýdi jalǵastyrýda», dep atap ótti vedomstvoda.