Atyraý qalasy áli kúnge juqpaly indettiń oshaǵy sanalyp otyr. Sońǵy táýlikte Atyraý oblysynyń 24 turǵynynan koronavırýs anyqtalǵan, dep habarlaıdy Egemen.kz.
Oblysta bir táýlikte koronavırýs belgileri anyqtalǵan 24 turǵynnyń on segizi Atyraý qalasynyń azamaty eken. Muny oblys ákimdigi densaýlyq saqtaý basqarmasynyń baspasóz qyzmeti rastap otyr.
Skrınıng nátıjesinde Teńiz ken ornynda 3 naýqas jańadan tirkelgen, ınfeksııa oblystyń aýdandarynda da taralýda. Máselen, sońǵy táýlikte Isataı aýdanynda eki naýqas anyqtalsa, Qurmanǵazy aýdanynda COVID-19 bir adamda rastalǵan.
Koronavırýs ınfeksııasy bar 20 naýqasta aýrý sáıkes belgilermen jalǵasýda. 4 adamda aýrý belgileri baıqalmady. О́tken táýlikte oblysta 25 adam koronavırýstan emdelip shyqty.