Almaty oblysynda 26 jastaǵy jas ana dúnıege úshem ákeldi. Sábılerdiń úsheýi de qyz bala, dep habarlaıdy Egemen.kz.
Úshemderdiń anasy - Kóksý aýdanynyń turǵyny Ardagúl Áskerbek. Ol - Taldyqorǵandaǵy qoǵamdyq-saıası «Alataý» gazetiniń tilshisi. Bul basylymdy belgi aıtystar aqyn Aıtaqyn Bulǵaqov basqarady.
«26 jastamyn.Tuńǵyshym bes jasta. Bir qyzym, eki ulym bar. Búgin mine úshemniń ata-anasy atanyp, 6 balaly boldyq. Táýbá, Allanyń qalaýy. Negizi joldasym jaqtan da, ózim jaqtan da tuqymymyzda egiz bar. Biraq úshem joq», deıdi jas ana Ardagúl Áskerbek.
Ardagúl búgin Taldyqorǵan qalasyndaǵy oblystyq perınataldyq ortalyqta tańerteń saǵat 10:10 shamasynda bosanǵan.
«Sábılerimniń jaǵdaıy jaqsy. Salmaǵy - 1 kg 900, 1 kg 800 jáne 1kg 700 gramm. Qazir dárigerlerdiń baqylaýynda», dedi jas ana.
Shańyraǵy shattyqqa bólenip jatqan jas otbasy ata-anasymen birge turady.
Aıta keteıik, buǵan deıin Túrkistan oblysynyń № 2 oblystyq perınataldyq ortalyǵynda úshem dúnıege kelgenin habarlaǵan bolatynbyz.