Qyzylordada tapsyrys boıynsha «sıntetıkalyq esirtki» taratqan er adam ustaldy, dep habarlaıdy Egemen.kz.
22 qazanda Qyzylorda oblysy Polısııa departamentiniń Esirtki qylmysyna qarsy kúres basqarmasy qyzmetkerleri oblys ortalyǵy aýmaǵynda «metkatınon», «mefedron» sıntetıkalyq preparatyn asa iri kólemde jasyryn taratqan turǵyndy ustady.
Kúdiktiniń mobıldi qosymsha arqyly tapsyrys alǵany jáne qala ishinde belgili oryndarǵa qoıyp ketý arqyly, «sıntetıkalyq preparattardy» taratqany anyqtalǵan. Aıǵaqty zat retinde er adamnan sıntetıkalyq zat salynǵan 72 qapshyq tárkilengen.
Faktke qatysty Qazaqstan Respýblıkasy Qylmystyq kodeksiniń 297-baby 3-bóliginiń 3-tarmaǵy («Esirtki, psıhotroptyq zattarǵa, sol tektesterge qatysty asa iri mólsherde jasalǵan, esirtkini, psıhotroptyq zattardy, sol tektesterdi zańsyz daıyndaý, qaıta óńdeý, satyp alý, saqtaý, tasymaldaý, jóneltý ne ótkizý») boıynsha sotqa deıingi tergep-tekserý júrgiziledi.
Kúdikti Qyzylorda qalasynyń IIB ýaqytsha ustaý ızolıatoryna qamalǵan.