Memleket basshysy Qasym-Jomart Toqaev Túrikmenstanǵa memlekettik sapary aıasynda «El esinde» memorıaldy keshenine jáne «Qasıetti Otan» mýzeıine bardy, dep habarlaıdy Egemen.kz.
Qazaqstan Prezıdenti Túrikmenstanǵa memlekettik sapary aıasynda 1881 jylǵy shaıqasty, 1941-1945 jyldardaǵy Uly Otan soǵysynda qaza tapqandardy jáne 1948 jylǵy Ashhabad jer silkinisiniń qurbandaryn eske alýǵa arnalǵan tarıhı keshenge bardy.
Keshende atalǵan oqıǵalarda qaza tapqandar men batyrlarǵa qoıylǵan eskertkishter, monýmentter bar.
«Qasıetti Otan» mýzeıinde Memleket basshysyna Uly Otan soǵysyndaǵy áskerı oqıǵalardyń maketteri men jer silkinisiniń eksponattary tanystyryldy. Qasym-Jomart Toqaev qurmetti qonaqtar kitabyna qoltańbasyn qaldyrdy.