Memleket basshysy Nursultan Nazarbaev mánerlep syrǵanaýshy Denıs Tenge quttyqtaý jedelhatyn joldady, dep habarlady Prezıdenttiń baspasóz qyzmeti.
Nursultan Nazarbaev mıllıondaǵan qazaqstandyqtardyń jáne jeke óziniń atynan Denıs Tendi Sochıde ótip jatqan XXII Qysqy Olımpııa oıyndarynda qola medal jeńip alýymen quttyqtady.
«Bizdiń bárimiz álemniń eń úzdik mánerlep syrǵanaýshylary arasyndaǵy tartysty básekege ulasqan muz aıdynyndaǵy seniń ónerińdi demimizdi ishke tarta otyryp baqylaýmen boldyq. Sen bizdiń úmitimizdi aqtap, elimiz tarıhynda alǵash ret sporttyń osy túrinen olımpıadalyq nagradany jeńip aldyń», delingen quttyqtaý jedelhatynda.
Sońynda Memleket basshysy D.Tenge zor densaýlyq jáne sport salasynda jańa tabystar tilegen.