Sınoptıkter 26 qazanǵa arnalǵan aýa raıy boljamyn usyndy, dep habarlaıdy Egemen.kz.
Soltústik Qazaqstan oblysynyń basym bóliginde jaýyn-shashyndy (jańbyr, qar) bolady dep kútiledi. Oblystyń soltústiginde, batysynda kóktaıǵaq bolyp, burqasyn soǵady. Jel soltústik-batystan, batystan soǵady. Túnde oblystyń soltústigi, batysynan soqqan jel ekpini 15-20 m/s quraıdy, kúndiz jeldiń ekpini - 15-20 m/s, ekpini 23-28 m/s bolady. Petropavlda jaýyn-shashyn (jańbyr, qar) túsedi, kóktaıǵaq bolyp, qar burqasyndatady. Soltústik-batystan, batystan soqqan jel ekpini - 15-20 m / s, kúndizgi jeldiń ekpini 23-28 m / s.
Batys Qazaqstan oblysynyń soltústik-batysynda tuman túsedi dep kútiledi.
Kúndiz Túrkistan oblysynyń taý asýlarynda sınoptıkter ońtústik-batystan 15-20 m / s jyldamdyqpen jel soǵady dep boljaıdy.
Aqmola oblysynyń soltústiginde tuman túsip, kóktaıǵaq, burqasyn bolady dep kútiledi. Ońtústik-batystan soqqan jel soltústik-batysqa oıysady, túnde oblystyń soltústiginde soqqan jel ekpini 15-20 m / s, kúndiz - 15-20 m / s, keı jerlerde 23 m / s quraıdy. Kúndiz Kókshetaýda ońtústik-batystan jel soǵyp, aqyryndap soltústik-batysqa oıysady, ekpini - 15-20 m / s.