Jambyl oblysynda «Zańsyz kóship-qonýshy» jedel-aldyn alý is-sharasy barysynda qylmys jasaǵan 3 sheteldik azamat anyqtaldy, dep habarlaıdy Egemen.kz.
Bir aptaǵa sozylǵan reıd qorytyndysy boıynsha Jambyl oblysy kóshi-qon qyzmetiniń qyzmetkerleri 435 sheteldik azamatty, onyń ishinde TMD-nyń 430 jáne alys shet memleketterdiń 5 azamatyn ákimshilik jaýapkershilikke tartty.
«Olardyń arasynda 231 sheteldiktiń nemese azamattyǵy joq adamnyń Qazaqstan Respýblıkasynyń kóshi-qony salasyndaǵy zańnamasyn buzǵandyǵy tirkelse, 37 sheteldik azamat sot sheshimimen Qazaqstan aýmaǵynan shyǵaryldy. Sondaı-aq sheteldik jumys kúshin QR zańnamasyn buza otyryp jumysqa tartqany úshin 13 derek anyqtalyp, izdeýde júrgen 3 qylmysker ustaldy», delingen Jambyl oblysy Polısııa departamentiniń habarlamasynda.
Polısııa departamenti QR aýmaǵynda bolýǵa ruqsat etilgen merzim ótip ketken jaǵdaıda, sheteldikter kóshi-qon qyzmetine júginip, quqyqtyq mártebelerin retteýi qajettigin eskertedi.