Shymkent qalasynyń Bas memlekettik sanıtarııalyq dárigeriniń 2021 jylǵy 26 qazandaǵy №33 «Shymkent qalasynyń aýmaǵynda koronavırýstyq ınfeksııanyń taralýyn aldyn alý boıynsha shekteý sharalaryn jáne karantın rejımin uzartý týraly» qaýlysy shyqty, dep habarlaıdy Egemen.kz.
«Shymkent qalasynda karantın rejımi men koronavırýstyq ınfeksııanyń taralýynyń aldyn alý jónindegi shekteý sharalaryn epıdemıologııalyq jaǵdaı turaqtalǵanǵa deıin uzartý qajet», delingen qujatta.
Atap aıtqanda, Ashyq jobasyna qatysatyn obektilerde «jasyl» mártebesi bolǵan jaǵdaıda is-sharany ótkizýdi qospaǵanda, adamdardyń jappaı jınalýyna baılanysty is-sharalardy (týǵan kúnder, mereıtoılar, shyǵaryp salý, toı jáne t.b.) ótkizýge tyıym salynady.
65 jastan asqan adamdardyń qala boıynsha júrip-turýy shekteledi.
Qoǵamdyq oryndarǵa, onyń ishinde ashyq aýada bolǵan kezde betperde kııý, áleýmettik qashyqtyqty saqtaý jáne antıseptıkterdi qoldaný taǵaıyndalady.
Qoǵamdyq tamaqtaný obektilerinde kalıandardy paıdalanýǵa tyıym salynady.
Sonymen qatar, Ashyq jobasyna qatysatyn bıznes nysandarynyń demalys kúnderi 3 saǵatqa deıin, joba kóshbasshylarynyń tańǵy 5-ke deıin jumys isteýine ruqsat etiledi.
Sondaı-aq qyzmetkerler men kelýshilerde Ashyq-tyń «jasyl» mártebesi bolǵan jaǵdaıda obektilerdiń demalys kúnderi jumys isteýine bolady. Bul talaptar oblysaralyq jáne oblysishilik turaqty tasymaldarǵa, qonaqúılerge, áýejaılarǵa, vokzaldarǵa, bilim berý obektileri men jataqhanalarǵa qoldanylmaıdy.