Aqtóbe oblysynda tártip saqshylary jekemenshik úılerdiń birin tekserý barysynda zańsyz jumys istep kelgen evangel hrıstıan baptısteri dinı birlestigin anyqtady. Bul týraly Gazeta.kz habarlady.
Oblystyq prokýratýranyń baspasóz qyzmetiniń málimetine júginsek, atalmysh birlestik memlekettik tirkeýden ótpegen eken. Sol jekemenshik úıdiń bir bóligi dinı rásimder men joralǵylar ótkizýge arnalǵan. Qazir osy jerden alynǵan 43 dinı kitap saraptamaǵa jiberildi.
Bizge kelip túsken sońǵy aqparat kózinde tirkelmegen dinı birlestikke basshylyq jasaǵan adamnan jáne osy dinı birlestikke qatysy bar kináli tulǵalardan jaýap alynyp jatqany jazylǵan. Buǵan baılanysty Ákimshilik quqyq buzýshylyq týraly kodekstiń 374-babyna sáıkes, aıyby dáleldengen azamattardy jaýapkershilikke tartý máselesi qarastyrylýda.
Ámirhan Almaǵanbetov.
Derekkóz: Gazeta.kz.
Foto: Gazeta.kz.