Nur-Sultan qalasynda ótken Astana Mining & Metallurgy-AMM 2021 halyqaralyq taý-ken metallýrgııalyq kongresinde jezqazǵandyq metallýrg Nurjan Qoıshybekovke «Altyn Gefest» syılyǵy berildi.
«Qazaqmys korporasııasy» JShS-nyń quıý-mehanıkalyq zaýytynda jumys isteıtin ol «Jyl metallýrgi» atalymynda úzdik dep tanyldy. Nurjan Qoıshybekov Qaraǵandy memlekettik tehnıkalyq ýnıversıtetin támamdaǵan soń, eńbek jolyn óndiris salasynda bastaǵan. Jezqazǵan quıý-mehanıkalyq zaýytynda 12 jyldan beri balqytý sheberi, tehnolog bolyp eńbek etip keledi. Búginde ol kásiporynnyń bas metallýrgi, ıaǵnı metallýrgııalyq óndiristegi tehnologııalyq daıarlyq boıynsha barlyq úderisterge jetekshilik etedi. Eńbekte ozat maman otbasynda da úlgili áke, zaıyby ekeýiniń tárbıesinde alty bala bar.
N.Qoıshybekov «Altyn Gefest» syılyǵynyń ózine úlken jaýapkershilik júkteıtinin aıtady.
– Men úshin áriptesterimniń senimine kirip, ózimniń kásibı maman ekenimdi dáleldeý – aldyma qoıǵan maqsatymnyń biri boldy. Árıne, bul belesti baǵyndyrýǵa ájeptáýir ýaqyt ketti, tájirıbe mektebinen ótýge týra keldi, – deıdi bas metallýrg.
Eske salar bolsaq, taý-ken salasyndaǵy asa bedeldi «Altyn Gefest» baıqaýy 2009 jyldan beri ótkizilip keledi.
Qaraǵandy oblysy,
Jezqazǵan qalasy