XXIV qysqy Olımpıada oıyndarynyń bastalýyna týra 100 kún qaldy, dep jazady Egemen.kz.
Búgin júldegerlerge tabystalatyn medaldar dızaıny jarııalandy.
Medaldiń betinde Olımpıadanyń bes saqınasy beınelenip, XXIV Olympic Winter Games Beijing 2022 jazýy jazylǵan.
Medaldiń basty betinde olımpıadanyń bes saqınasy beınelenip, sport sharasynyń aǵylshyn tilindegi tolyq ataýy – XXIV Olympic Winter Games Beijing 2022 dep jazylǵan, sondaı-aq bult jáne qar ushqyndarymen órnektelgen.
Medal betinen aspan, jer jáne adam arasyndaǵy úılesimdikti beıneleıtin qytaılyq dástúrli fılosofııany bildirgen bes shoǵyrlas saqınany kórýge bolady.
Reversinde Beıjińdegi qysqy Olımpıadanyń emblemasy men oıyndardyń qytaı tilindegi ataýy bar. Emblemanyń jan-jaǵyndaǵy saqınalarda esep boıynsha 24-shi qysqy Olımpıada oıyndarynyń qurmetine 24 núkte oıylǵan.
QazAqparattyń habarlaýynsha, «Beıjiń-2022» uıymdastyrý komıteti sondaı-aq Paralımpıada oıyndarynyń júldegerlerine beriletin nagradalar dızaınyn da usynǵan.
Eske sala ketsek, XXIV qysqy Olımpıada oıyndary 2022 jyldyń 4-20 aqpan kúnderi Beıjiń qalasynda ótedi.