Áleýmettik jelilerde Mańǵystaý oblysynyń Beıneý aýdanyndaǵy áskerı bólimde jarylys bolǵandyǵy týraly aqparat tarady, dep habarlaıdy Egemen.kz.
Oqıǵa 27 qazan kúni saǵat kúndizgi 11:00 shamasynda bolǵan. Boljam boıynsha mekemede granatalar jarylyp, saldarynan bes sarbaz túrli dene jaraqatyn aldy.
Qorǵanys mınıstriginiń baspasóz qyzmeti atalǵan faktini rastady. Biraq ázirge jarylystyń naqty sebebi aıtylmady.
«2021 jylǵy 27 qazanda Mańǵystaý oblysyndaǵy oqý-jattyǵý polıgonyn josparly tazalaý barysynda bes áskerı qyzmetshi jaraqat aldy. Olarǵa qajetti medısınalyq kómek kórsetildi. Dárigerler áskerı qyzmetshilerdiń jaǵdaıyn qanaǵattanarlyq dep baǵalaýda. Oqıǵa boıynsha tekserý bastaldy», delingen habaramada.