BUU álemdegi qaqtyǵystarǵa baılanysty 48 mıllıon adam bosqyn mártebesine ıe ekenin málimdedi. Bul - tarıhı rekordtyq kórsetkish, dep habarlaıdy Egemen.kz.
Bul týraly uıymnyń arnaıy baıandamashysy Sesılııa Hımenes-Damarı 27 qazanda ótken BUU Bas Assambleıasynda sóılegen sózinde aıtty.
«Qarýly qaqtyǵystar men zorlyq-zombylyq saldarynan ketýge májbúr bolǵandardyń sany álemde 48 mıllıon boldy, bul - buryn-sońdy bolmaǵan eń joǵary kórsetkish», dedi ol.
Ol qarýly qaqtyǵystardyń kúrdelenýi men zorlyq-zombylyqtyń ósýi adam quqyqtarynyń saqtalýyna nuqsan keltiretinin atap ótti. Hımenes-Damarı kóp adam zardap shekken qaqtyǵystardy tabıǵı apattar men pandemııa kúsheıtýi múmkin ekenin de aıtty.Qyrkúıektiń basynda Eýropalyq Odaq Aýǵanstannan kelgen bosqyndardy kórshi elder qabyldaýy kerek dep málimdegen edi.