Qazaqstandyq, 21 jastaǵy Beıbit Juqaev «Dáýlet» tennıs ortalyǵynda ITF World Tennis Tour M 25 serııasy boıynsha ótip jatqan jarystyń shırek fınalyna shyqty, dep habarlaıdy Egemen.kz QTF baspasóz qyzmetine silteme jasap.
Beıbit Juqaev ekinshi aınalymda otandasy Grıgorıı Lomakınmen baq synasty. Aqtaý tennıs mektebiniń túlegi 1 saǵat 8 mınýtqa sozylǵan matchta 6:2, 6:3 esebimen jeńiske jetti. B.Juqaev báseke barysynda 10 eıs jasap, 9 breık-poınttyń úsheýin paıdalandy.
Beıbit jartylaı fınalǵa shyǵý úshin kanadalyq Fılıpp Pelıvomen match ótkizedi. Bir apta buryn qazaqstandyq tennısshi alǵashqy aınalymda osy sportshyǵa 1:6, 6:2, 6:7 (3:7) esebimen ese jibergen. Degenmen Beıbit Juqaev sol týrnırde reseılik Andreı Kýznesovpen birge juptyq synda jeńimpaz atanǵan edi.
Taǵy bir qazaqstandyq Denıs Evseev elorda dodasynyń ekinshi aınalymynda polıak Mıhal Dembekten 4:6, 4:6 esebimen jeńildi.