Qytaı klımattyń ózgerýimen kúresý maqsatynda qarqyndy damyp kele jatqan jańa energetıkalyq ındýstrııany qazbaly emes energetıkamen qamtamasyz etip, aýaǵa taralatyn kómirqyshqyl gazyn azaıtýdy kózdeıdi.
Bul másele ótken aptada Memlekettik keńestiń aqparat keńsesi uıymdastyrǵan baspasóz máslıhatynda aıtyldy. Jıyn barysynda «Klımattyń ózgerýine qarsy turý: Qytaıdyń saıasaty men áreketteri» jónindegi «aq qaǵaz», ıaǵnı saıasatty túsindiretin memlekettik habarlama tanystyryldy.
Qazirgi tańda Qytaıǵa qajetti energetıkalyq qýattyń 53,3 paıyzy qazbaly otyndardan óndiriledi. Joǵaryda atalǵan qujatqa sáıkes qazbaly emes energııanyń úlesi ótken jyly 15,9 paıyzǵa deıin kóterilgen. Bul 2005 jylmen salystyrǵanda 8,5 paıyzǵa joǵary.
Sonymen qatar 2005 jylmen salystyrǵanda kún energııasynyń qýaty 3000 ese, jel energııasynyń qýaty 200 ese ósken. «Aq qaǵazda» Qytaı qýat tıimdiligin arttyryp, jahandyq energııany únemdeýge úlken úles qosyp otyrǵany aıtylǵan.