Facebook kompanııasy ataýyn Meta dep ózgertedi, al kompanııaǵa tıesili baǵdarlamalyq ónimder ataýy ózgerissiz qalady. Bul týraly kompanııanyń negizin qalaýshy Mark Sýkerberg málimdedi, dep habarlaıdy Egemen.kz.
«Búginnen bastap Meta dep atalamyz», dedi Sýkerberg «metaǵalam» kompanııasynyń tusaýkeseri kezinde.
Sondaı-aq ol kompanııa logotıpin tanystyrdy. Ol - kók Mebıýs jolaǵy.
«Maǵan buryn klassıkalyq zertteý unaıtyn jáne Meta sózi grektiń «keıin» degen sózinen shyqqan. Bul men úshin árqashan basqa dúnıe jasaýǵa bolatynyn bildiredi», dedi Sýkerberg.
Onyń aıtýynsha, jańa brend kompanııa nazaryn «metaǵalamǵa» aýdarady. Onda adamdar ekrannan bas tartyp, vırtýal shyndyq áserin alady. «Biz úshin Facebook emes, «metaǵalam» birinshi orynda. Bul ýaqyt óte kele basqa qyzmetterimizdi paıdalaný úshin Facebook qajet bolmaıtynyn bildiredi», dep túsindirdi Sýkerberg tanystyrylym kezinde.