Bir jyldan astam ýaqyttan beri Qazaqstannyń ekonomıkasy kúrdeli kezeńge tap bolyp otyrǵany málim. Onyń ústine pandemııa tolyq aıaqtalyp, bir júıege kelýge áli erte ekeni de belgili. Bul tusta qarjy qozǵalysynyń negizgi kózi bolyp tabylatyn kásipkerler osy jaǵdaıda tepe-teńdikti ustap, tabys tabýǵa umtylyp otyr, dep habarlaıdy Egemen.kz.
Osy oraıda memlekettik baǵdarlamalar ekinshi deńgeıli banktermen birlesip, kásipkerlikti belsendi túrde qoldap otyrǵanyn atap ótken jón.
Sondaı bankterdiń biri – «Sberbank» AQ EB. Bank BQO kásipkerleriniń óndiristik úderisine qarjylaı turaqty qoldaý kórsetip otyr. Atap aıtqanda, Oral qalasyndaǵy «Jaıyq et» JShS, «Kama Qazaqstan» saýda úıi» JShS jáne «Kvant» JShS. Olarmen kóp jyldan beri seriktestik qarym-qatynas ornatyp kele jatqan Sberbank COVID-19 vırýsy kezinde de ınvestısııalyq baǵdarlamalardy qarjylandyrýyn toqtatpaı, qaıta eknomıkanyń naqty sektoryn nesıeleýde belsendiligin arttyra tústi.
«Bizge ınvestısııalyq jobalarǵa da, aınalmaly qarajatty tolyqtyrýǵa baǵyttalǵan jobalarǵa da qatysý unaıdy. Bıyl bizdiń fılıal «Qarapaıym zattar ekonomıkasy», «Bıznestiń jol kartasy – 2020, 2025», «Nurly jer» sekildi memlekettik qoldaý baǵdarlamalaryna qatysýdy kózdep otyrǵan 60-tan asa jobany qarjylandyrdy. Biz iri uıymdarmen jumys istep qana qoımaı, shaǵyn jáne mıkro bızneske de qoldaý kórsetemiz. Jalpy isin alǵa ilgeriletkisi kelgen klıentterdiń bárine ashyqpyz», dedi Oral qalasyndaǵy Sberbank fılıalynyń dırektory Svetlana Shashkova.
Búgingi tańda Sberbank BQO-daǵy iri kásiporyndardyń biri – «Jaıyq et» JShS-ny qarjylandyryp otyr. BQO-nyń naryǵynda tanymal kásiporyn et ónimderin qaıta óńdeýmen aınalysady, broılerdiń tutas jáne jarty ushasyn, sondaı-aq shujyq, et jáne delıkates ónimderi syndy daıyn ónimderdi shyǵarady. Kásiporynnyń óndiristik qýaty táýligine 20 tonna.
2016 jyly Sberbank 3 mldr teńgege qus fabrıkasy kesheniniń qurylysyn qarjylandyryp, osy kezeńge deıin jabdyqtar alýǵa, óndiristik úderisterdi jańǵyrtýǵa jáne ońtaılandyrýǵa kómek kórsetýin jalǵastyryp keledi. Iаǵnı kásiporyn banktiń aınalmaly qarajatyn tolyqtyrý kredıttik jelisiniń qyzmetine júginedi.
«Jaıyq et» JShS-nyń dırektory Temirǵalı Eskendirovtiń aıtýynsha, kásiporyn jylyna 4 mln astam broıler óndirip shyǵarady. Alǵa qoıylǵan maqsat ta bir – BQO-nyń naryǵyn ónimmen qamtamasyz etý. «Biz barlyq sanatta barmyz, deı turǵanmen, bólshektep satýdy jetildirýge qýatymyz jetkiliksiz. BQO-nyń ishki naryǵynyń 25 paıyzyn ǵana jaılap otyrmyz. Biraq maqsatymyzǵa birtindep qadam basyp kelemiz, bul turǵyda Sberbank bizge úlken qoldaý kórsetip otyr», dedi ol.
Sberbanktiń taǵy bir iri klıenti – «Kama Qazaqstan» saýda úıi» JShS. 2017 jyly qurylǵan kompanııa Qazaqstan Respýblıkasy aýmaǵynda «Tatneft» JAQ-tyń munaı-hımııa shına kesheniniń biregeı ónimderiniń dıstrıbýsııasymen aınalysady.
2019 jyly Bank kompanııany 700 mıllıon teńgeden astam somaǵa qarjylandyrdy, onyń ishinde burynǵy avtomobıl shınalaryn paıdalanýǵa kádege jaratý jónindegi zaýyt qurylysyna 300 mıllıon teńge, odan ári rezeńke-tehnıkalyq buıymdar óndiretin jabdyqqa 250 mıllıon teńge jáne arnaıy tehnıka satyp alýǵa 60 mıllıon teńge qarajat jumsaldy.
«Kompanııanyń bir baǵyty – shınalardy qaıta óńdeý jáne taqtasha óńdirý, shınalardy bólshektep satý, ıaǵnı Qazaqstannyń qyryq dúkeni qamtylady degen sóz. Kelesisi – júk tasymaldaý jáne aýyl sharýashylyǵy. Oral, Nur-Sultan, Almaty qalalarynda 1,8 mlrd teńgege úsh jobanyń aıasynda kredıt jelisi ashylǵan. Olardyń bárin Sberbank qarjylandyryp otyr, Bankke seriktestik, keri baılanys, qoldaý kórsetkeni úshin alǵysymyzdy aıtamyz, óıtkeni Sberbanktiń aqshalaı kómek kórsetýi arqyly qarjylyq turaqtylyqqa qol jetkizip otyrmyz. Bul biz úshin mańyzdy», deıdi kompanııa dırektory Vladıslav Goloýhov.
«Kvant» JShS da Oral qalasynyń iri kásiporyndarynyń biri. Jumsaq, korpýsty jıhazdy, turmystyq tehnıkany, elektronıkany kóterme jáne bólshek baǵamen satýmen aınalysatyn kompanııanyń tórt óndirisi bar: porolon, matras, korpýsty jáne jumsaq jıhaz. 10 000 sharshy metr aýmaqqa ornalasqan fabrıkanyń sehtary jańa nemis (Homag) jáne ıtalııa (Griggio) jabdyqtarymen jaraqtandyrylǵan.
Sberbanktiń arqasynda kompanııa qajetti qural-saımandar men avtotransport satyp alǵan. Onyń ónimderi Qazaqstannyń birshama óńirinde kóterme baǵamen alýshylarǵa tabysty ótkizilip otyr.
«Kvant» JShS-nyń qarjy dırektory Dmıtrıı Pshenıchnyı: «Sońǵy 8 jylda bizdiń damýymyz jaqsardy, óndiristik jumysqa arnalǵan jańa oryndardy salyp, jańa stanoktar aldyq. Sberbank arqyly qajetti kólemde jabdyqtardy satyp aldyq, olar qýattylyqty arttyrýǵa jáne ónimderdiń assortımentin keńeıtýge septigin tıgizdi», dedi.
Aıta ketý kerek, kompanııanyń Sberbankte belsendi qoldanatyn aınalmaly qarjyny tolyqtyryp otyratyn jelisi bar.
«Osy memlekettik qoldaýdyń barlyq ádisteri bizdiń damý qarqynymyzdyń sheńberin keńeıtýge múmkindik berip otyr. О́z kúshimizge senetin bolsaq, ondaǵan jyldar keter edi, qoldaýdyń arqasynda úsh-tórt jylda kózdegen maqsatymyzǵa jettik», dedi rızashylyǵyn bildirip, Dmıtrıı Pshenıchnyı.